ନିରପେକ୍ଷ(ଭୁବନେଶ୍ୱର) : ଜଟଣୀ ଥାନା ପୁଲିସ ଅଭିଯୋଗକାରୀ ଶ୍ରୀ ସୁଦର୍ଶନ ନାୟକଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁ କରି ତଦନ୍ତ କରିବା ସହିତ ନିମ୍ନୋକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଗତ କାଲି ମଧ୍ୟାହ୍ନରେ ଅଭିଯୋଗକାରୀ ଜଣକ ଚିନ୍ତାମଣୀଶ୍ଵର ଅନ୍ତର୍ଗତ ନାଲିମଠ ଠାରେ ନିଜ ଫୋନରେ କଥା ହେଉଥିଲେ । ସେହି ସମୟରେ ନିମ୍ନୋକ୍ତ ଦୁଇ ଅଭିଯୁକ୍ତ ଏକ ଅଟୋରେ ଆସି ଅଭିଯୋଗକାରୀଙ୍କୁ ଏକ ଶକ୍ତ ଧକା ପକାଇବା ସହିତ ତାଙ୍କ ହାତରୁ ଫୋନଟିକୁ ଛଡାଇ ନେଇ ଘଟଣା ସ୍ଥଳରୁ ଫେରାର ହୋଇଯାଇଥିଲେ । ଉକ୍ତ ଫୋନ ଖୋଳରେ ଅଭିଯୋଗକାରୀ ଜଣକ ୫୦୦ ଟଙ୍କା ରଖିଥିଲେ ।

ଅଭିଯୁକ୍ତ ଦୁହେଁ ଘଟଣା ସ୍ଥଳରୁ ଫେରାର ହେବା ସମୟରେ ଅଭିଯୋଗକାରୀ ଜଣକ ଉକ୍ତ ଅଟୋର ନମ୍ବର ମାନେ ରଖିବା ସହିତ ଥାନାରେ ଏନେଇ ଅଭିଯୋଗ କରିଥିଲେ । ଘଟଣାର ତଦନ୍ତ ସମୟରେ ଅଭିଯୋଗକାରୀଙ୍କ କହିବା ଅନୁଯାଇ ଅଟୋର ନମ୍ବର ଯାଞ୍ଚ ବେଳେ ଉକ୍ତ ଅଟୋଟି ଅଭିଯୁକ୍ତ ମନୋରଞ୍ଜନ ବେହେରାଙ୍କ ପତ୍ନୀଙ୍କ ନାମରେ ଥିବା ଜଣା ପଡିଥିଲା । ମାମଲାର ଅଧିକ ତଦନ୍ତ ଚାଲିଥିବା ବେଳେ ଏକ ବିଶେଷ ସୂତ୍ରକୁ ଆଧାର କରି ପୁଲିସ ଜଟଣୀ ରେଲୱେ ଷ୍ଟେସନ୍ ଅଞ୍ଚଳରେ ପ୍ରଥକ ଭାବେ ଚଢଉ କରି ନିମ୍ନୋକ୍ତ ଦୁଇ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହେଇଥିବା ବେଳେ ଲୁଟ ମୋବାଇଲ ଫୋନ ଏବଂ ଘଟଣାରେ ବ୍ଯବହୃତ ଅଟୋକୁ ଜବତ କରିଥିଲେ ।

ପଚରାଉଚରା ବେଳେ ଦୁଇ ଅଭିଯୁକ୍ତ ନିଜର ଦୋଷ ସ୍ଵୀକାର କରିଥିଲେ । ଅଭିଯୁକ୍ତ ରୋହିତ ଘଡେଇ ଜଣେ ଅଭ୍ଯାସଗତ ଅପରାଧୀ ହୋଇଥିବା ବେଳେ ତାଙ୍କ ନାମରେ ପୂର୍ବରୁ ମଧ୍ୟ ଶହୀଦନଗର ଥାନାରେ ୩ ଟି ଓ ଖାରବେଳନଗର ଥାନାରେ ଗୋଟିଏ ଚୋରୀ ଜନିତ ମାମଲା ରହିଥିବା ବେଳେ ନୟାଗଡ ଥାନାରେ ଏକ ବେଆଇନ ମଦ ବିକ୍ରି ଜନିତ ମାମଲା ମଧ୍ୟ ରହିଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।

ନିରପେକ୍ଷ(ଭୁବନେଶ୍ୱର) :କ୍ୟାପିଟାଲ ଥାନା ପୁଲିସ ଅଭିଯୋଗକାରୀ ଶ୍ରୀ କମଳ ଲୋଚନ ପାତ୍ରଙ୍କ ଅଭିଯୋଗ କ୍ରମେ ଉପରୋକ୍ତ ମାମଲାର ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଅଭିଯୋଗକାରୀଙ୍କ ବାପୁଜୀନଗର ଠାରେ କେପିଏଲ ଇନଫ୍ରାଷ୍ଟ୍ରକଚର ପ୍ରାଇଭେଟ ଲିମିଟେଡ ନାମରେ ଏକ ଅଫିସ ଅଛି । ଗତ ତା.୨୩.୦୩.୨୦୨୪ ରିଖ ଦିନ ଅଭିଯୋଗକାରୀଙ୍କ ଜଣେ ଡ୍ରାଇଭର କ୍ୟାଟ-୪୨୪ ଗାଡିର ଏକ ବ୍ଯାଟେରୀ ଉକ୍ତ ଅଫିସରେ ରଖିଥିଲେ । ସେହିଦିନ ଅପରାହ୍ନରେ ନିମ୍ନୋକ୍ତ ଅଭିଯୁକ୍ତ ଜଣକ ଉକ୍ତ ବ୍ୟାଟେରୀକୁ ସେଠାରୁ ଚୋରିକରି ନେଇଯାଇଥିଲେ ।

ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ଘଟଣା ସ୍ଥଳରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ କରି ଅଭିଯୁକ୍ତଙ୍କ ସମ୍ପର୍କରେ ତଥ୍ୟ ସଂଗ୍ରହ କରିଥିଲେ । ମାମଲାର ତଦନ୍ତ ଚାଲିଥିବା ସମୟରେ ପୁଲିସ ଏକ ବିଶ୍ଵସ୍ତ ସୂତ୍ରକୁ ଆଧାର କରି ଶିଶୁଭବନ ଛକ ନିକଟରେ ଚଢଉ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ । ଛାନଭିନ ସମୟରେ ପୁଲିସ ନିମ୍ନୋକ୍ତ ଅଭିଯୁକ୍ତଙ୍କ ନିକଟରୁ ସମ୍ପୃକ୍ତ ଚୋରା ବ୍ୟାଟେରୀକୁ ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।

ନିରପେକ୍ଷ(ଭୁବନେଶ୍ୱର) :ଖାରବେଳନଗର ଥାନା ପୁଲିସ ଅଭିଯୋଗକାରୀ ଶ୍ରୀ ସନ୍ତୋଷ ମୁଦୁଲିଙ୍କ ଅଭିଯୋଗ କ୍ରମେ ଉପରୋକ୍ତ ମାମଲାର ତଦନ୍ତ କରିବା ସହିତ ବିଜୁ ବେହେରା(26),ନସିମ ରେହମାନ(37),ଏସକେ ଅବଦୁଲ ହାନନଂ(35)ତିନିଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଗତ କାଲି ସକାଳେ ଅଭିଯୋଗକାରୀ ଜଣକ ତାଙ୍କର ଜଣେ ବନ୍ଧୁଙ୍କୁ ରେଲୱେ ଷ୍ଟେସନକୁ ଛାଡିବା ନିମନ୍ତେ ଯାଇଥିଲେ ।

ବନ୍ଧୁଙ୍କୁ ସେଠାରେ ଛାଡି ଘରକୁ ଫେରିବା ସମୟରେ ରିଲାଏନ୍ସ ଫ୍ରେସ ନିକଟରେ ନିମ୍ନୋକ୍ତ ତିନି ଅଭିଯୁକ୍ତ ଏବଂ ତାଙ୍କର ଜଣେ ସହଯୋଗୀ ତାଙ୍କୁ ରାସ୍ତାରେ ଜୋରଜବରଦସ୍ତ ଅଟକାଇବା ସହିତ ଜୋରଜବରଦସ୍ତ ଟଙ୍କା ମାଗିଥିଲେ । ଅଭିଯୋଗକାରୀ ଜଣକ ଟଙ୍କା ଦେବା ଲାଗି ମନା କରିବାରୁ ଅଭିଯୁକ୍ତ ମାନେ ତାଙ୍କୁ ମାଡ ମାରିବା ସହିତ ତାଙ୍କ ନିକଟରେ ଥିବା ମୋବାଇଲ ଫୋନ ଛଡାଇ ନେବା ସହିତ ଫୋନ-ପେ ସିକ୍ରେଟ ନମ୍ବର ପଚାରି ବୁଝି ନେଇଥିଲେ ।

ପରେ ସେମାନେ ଦୁଇଟି କିସ୍ତିରେ ୯୦,୯୦୦ ଟଙ୍କା ଅଭିଯୁକ୍ତ ବିଜୁ ବେହେରାଙ୍କ ଆକାଉଣ୍ଟକୁ ଟ୍ରାନ୍ସଫର କରିନେଇ ମୋବାଇଲ ଫୋନ ଫେରାଇ ଦେଇଥିଲେ ଏବଂ ଘଟଣା ସମ୍ପର୍କରେ ପ୍ରଘଟ ନକରିବା ଲାଗି ଧମକ ଦେଇ ଫେରାର ହୋଇଯାଇଥିଲେ । ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ଏକ ବିଶ୍ଵସ୍ତ ସୂତ୍ରକୁ ଆଧାର କରି ୟୁନିଟ-୩ ଅଞ୍ଚଳରେ ଚଢଉ କରି ନିମ୍ନୋକ୍ତ ତିନିଜଣ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ । ଛାନଭିନ ସମୟରେ ପୁଲିସ ନିମ୍ନୋକ୍ତ ଅଭିଯୁକ୍ତଙ୍କ ନିକଟରୁ ମୋଟ ୯୦,୦୦୦ ଟଙ୍କା ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ ମାନେ ନିଜର ଅନ୍ୟ ଏକ ସହଯୋଗୀଙ୍କ ସହିତ ମିଶି ଏହି କାଣ୍ଡ ଭିଆଇ ଥିବା କଥା ସ୍ଵୀକାର କରିଥିଲେ ।

ନିମ୍ନୋକ୍ତ ଅଭିଯୁକ୍ତ ବିଜୁ ବେହେରାଙ୍କ ନାମରେ ଖାରବେଳନଗର ଥାନାରେ ୪ଟି ମାମଲା ରହିଥିବା ବେଳେ ନୟାପଲ୍ଲୀ ଥାନାରେ ଗୋଟିଏ ମାମଲା ରହିଛି । ସେହିପରି ନସିମ ରେହେମାନଙ୍କ ନାମରେ ଖାରବେଳନଗର ଥାନାରେ ୩ଟି ମାମଲା ରହିଥିବା ବେଳେ ଅଭିଯୁକ୍ତ ଏସକେ ଅବଦୁଲ ହନନଙ୍କ ନାମରେ ବାଲିଅନ୍ତା ଥାନାରେ ଗୋଟିଏ ମାମଲା ରହିଥିବା ଜଣାପଡିଛିବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।

ନିରପେକ୍ଷ(ଭୁବନେଶ୍ୱର) :ଖାରବେଳନଗର ଥାନା ପୁଲିସ ଅଭିଯୋଗକାରୀ ଶ୍ରୀ କସାର ମହମ୍ମଦଙ୍କ ଅଭିଯୋଗ କ୍ରମେ ଉପରୋକ୍ତ ମାମଲାର ତଦନ୍ତ କରିବା ସହିତବିକି ମହାନ୍ତି(22) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଅଭିଯୋଗକାରୀଙ୍କ ସତ୍ୟନଗର ଅନ୍ତର୍ଗତ ଦୁର୍ଗାପୂଜା ମଣ୍ଡପ ନିକଟରେ ଏକ ଚିକେନ ଦୋକାନ ଅଛି । ଗତ କାଲି ଅପରାହ୍ନରେ ସେ ଦୋକାନ ବନ୍ଦ କରି ଘରକୁ ଖାଇବାକୁ ଯାଇଥିବା ବେଳେ, ତାଙ୍କ ଅନୁପସ୍ଥିତିର ସୁଯୋଗ ନେଇ ନିମ୍ନୋକ୍ତ ଅଭିଯୁକ୍ତ ଜଣକ ଉକ୍ତ ଦୋକାନର ତାଲା ଭାଙ୍ଗି ଭିତରେ ପଶିବା ସହିତ ଟଙ୍କା ଏବଂ ସିସିଟିଭି ମେସିନ ଚୋରିକରି ନେଇଯାଇଥିଲେ । ଅଭିଯୋଗକାରୀ ଜଣକ ଘରୁ ଫେରି ନିମ୍ନୋକ୍ତ ଅଭିଯୁକ୍ତ ଦୋକାନ ଭିତରେ ପଶି ଚୋରୀ କରିଥିବା ନେଇ ସ୍ଥାନୀୟ ବାସିନ୍ଦାଙ୍କ ନିକଟରୁ ଜାଣିବା ପରେ ତାଙ୍କୁ ଅଟକ ରଖିବା ସହିତ ତାଙ୍କୁ ଯାଞ୍ଚ କରି ତାଙ୍କ ପାଖରେ ବହୁପରିମାଣର ଟଙ୍କା ଥିବା ଜାଣିବାକୁ ପାଇଥିଲେ ।

ପରେ ସେ ପିସିଆରକୁ ସୂଚନା ଦେବା ସହିତ ପିସିଆର କର୍ମଚାରୀଙ୍କ ସହାୟତାରେ ତାଙ୍କୁ ଖାରବେଳନଗର ଥାନା ଜିମା ଦେଇଥିଲେ ଏବଂ ତାଙ୍କ ବିରୋଧରେ ଏକ ଲିଖିତ ଅଭିଯୋଗ ମଧ୍ୟ କରିଥିଲେ । ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରିଥିଲେ । ଛାନଭିନ ସମୟରେ ପୁଲିସ ନିମ୍ନୋକ୍ତ ଅଭିଯୁକ୍ତଙ୍କ ନିକଟରୁ ମୋଟ ୭,୩୦୦ ଟଙ୍କା ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ ନିଜର ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।

ନିରପେକ୍ଷ(ଭୁବନେଶ୍ୱର) :ଏକ ବିଶ୍ଵସ୍ତ ସୂତ୍ରରୁ ମିଳିଥିବା ସୂଚନା ଆଧାରରେ ଲକ୍ଷ୍ମୀସାଗର ଥାନାଧିକାରୀଙ୍କ ନିର୍ଦ୍ଧେଶ କ୍ରମେ ସମ୍ପୃକ୍ତ ଥାନାର ଏକ ସ୍ପେଶାଲ ଟିମ ଲକ୍ଷ୍ମୀସାଗର କେନାଲ ରୋଡସ୍ଥିତ ଓସ୍କାର ସିଟି ଗେଟ ନିକଟରେ ଅତର୍କିତ ଚଢଉ କରି ବେଆଇନ ବ୍ରାଉନ ସୁଗାର ବିକ୍ରି ଅଭିଯୋଗରେ ରବି ପାଲ(28)ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ । ଛାନଭିନ ସମୟରେ ପୁଲିସ ଅଭିଯୁକ୍ତଙ୍କ ନିକଟରୁ ମୋଟ ୧୦ ଗ୍ରାମ ଓଜନର ବ୍ରାଉନ ସୁଗାର ଜବତ କରିଥିଲେ ।

ପଚରାଉଚରା ସମୟରେ ଅଭିଯୁକ୍ତ ଜଣକ ଏହି ବେଆଇନ ଗଞ୍ଜେଇ ବ୍ୟବସାୟ ନେଇ ନିଜ ଅପରାଧ ସ୍ଵୀକାର କରିଥିଲେ । ଏହି ଘଟଣାକୁ କେନ୍ଦ୍ରକରି ଲକ୍ଷ୍ମୀସାଗର ଥାନା ପୁଲିସ ଏକ ବେଆଇନ ବ୍ରାଉନ ସୁଗାର ବିକ୍ରୟ ଜନିତ ମାମଲା ରୁଜୁ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି । ଜନସାଧାରଣ ମାନେ ବେଆଇନ ନିଶା କାରବାର ଜନିତ ସୂଚନା ପ୍ରଦାନ କରିବା ନିମନ୍ତେ ଭୁବନେଶ୍ୱର ସହରାଞ୍ଚଳ ପୁଲିସ ତରଫରୁ ଏକ ହ୍ଵାଟସ୍ଆପ ନମ୍ବର- ୭୦୭୭୭୯୮୧୧୧ ଜାରି କରାଯାଇଛି ।