ଅଶ୍ରାବ୍ୟ ଭାଷାରେ ଗାଳିଗୁଲଜ ପ୍ଲାଷ୍ଟିକ ପରିବା ଡାଲା ରେ ମରଣାନ୍ତକ ଆକ୍ରମଣ

ନିରପେକ୍ଷ(ଭୁବନେଶ୍ୱର) :ତମାଣ୍ଡୋ ଥାନା ପୁଲିସ ଅଭିଯୋଗକାରୀ ଶ୍ରୀ ରୋହିତ କୁମାର ବେହେରାଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁକରି ତଦନ୍ତ କରିବା ସହିତ ଦେବାଶିଷ ପଟ୍ଟନାୟକ(41)ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଗତକାଲି ସନ୍ଧ୍ୟାରେ ଆହତ ଯୁବକ ଏବଂ ତାଙ୍କ ମା ମୋଟରସାଇକେଲ ଯୋଗେ ମାର୍କେଟରୁ ଘରକୁ ଫେରିବା ବେଳେ ଟାଙ୍ଗୀ ସାହି ଅନ୍ତର୍ଗତ ଦୀନଦୟାଲ ମହାନ୍ତିଙ୍କ ଦୋକାନ ସମୁଖରେ ନିମ୍ନୋକ୍ତ ଅଭିଯୁକ୍ତ ଜଣକ ସେମାନଙ୍କୁ ରାସ୍ତାରେ ଜୋରଜବରଦସ୍ତ ଅଟକାଇବା ସହିତ ଅଶ୍ରାବ୍ୟ ଭାଷାରେ ଗାଳିଗୁଲଜ କରିଥିଲେ ।

ତାଙ୍କୁ କାହିଁକି ବିନା କାରଣରେ ଗାଳି କରୁଛନ୍ତି ବୋଲି ପୀଡିତ ଯୁବକ ଜଣକ ଅଭିଯୁକ୍ତଙ୍କୁ ପଚାରିବାରୁ, ଏଥିରେ ଉତ୍ତେଜିତ ହୋଇ ଅଭିଯୁକ୍ତ ଜଣକ ପାଖରେ ଥିବା ଏକ ଶକ୍ତ ପ୍ଲାଷ୍ଟିକ ପରିବା ଡାଲା ସାହାଯ୍ଯରେ ତାଙ୍କୁ ମରଣାନ୍ତକ ଅକ୍ରମଣ କରିଥିଲେ । ଏହି ଆକ୍ରମଣ ଯୋଗୁଁ ସେ ଗୁରୁତର ଆହତ ହୋଇ ଏମ୍ସ ହସପିଟାଲକୁ ସ୍ଥାନାନ୍ତର ହୋଇଥିଲେ । ଅଭିଯୋଗ ପରେ ପୁଲିସ ମାମଲାର ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ ନିଜର ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।