କାରର କାଚ ଭାଙ୍ଗୀ ଭିତରେ ଥିବା ଏକ ମ୍ୟୁଜିକ ସିଷ୍ଟମ ଓ ଜ୍ୟାକ ଚୋରି

ନିରପେକ୍ଷ(ଭୁବନେଶ୍ୱର): ଏୟାରପୋର୍ଟ ଥାନା ପୁଲିସ ଅଭିଯୋଗକାରୀ ଶ୍ରୀ ରାକେଶ କୁମାର ମୁଦୁଲିଙ୍କ ଅଭିଯୋଗ କ୍ରମେ ଉପରୋକ୍ତ ମାମଲାର ତଦନ୍ତ କରିବା ସହିତ ନାନୁ@ପବିତ୍ର ଦଳେଇ(28)ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଗତ ତା.୨୭.୦୩.୨୦୨୪ ରିଖ ଦିନ ଅଭିଯୋଗକାରୀଙ୍କ କାରକୁ ତାଙ୍କ ଡ୍ରାଇଭର ପଳାଶପଲ୍ଲୀ ଅଞ୍ଚଳରେ ଥିବା ମୁକବଧିର ଶିକ୍ଷାନୁଷ୍ଠାନ ସମୁଖରେ ପାର୍କିଂ କରିଥିଲେ । ସେହିଦିନ ରାତିରେ ନିମ୍ନୋକ୍ତ ଅଭିଯୁକ୍ତ ଜଙ୍କ ଉକ୍ତ କାରର କାଚ ଭଙ୍ଗୀ ଭିତରେ ଥିବା ଏକ ମ୍ୟୁଜିକ ସିଷ୍ଟମ ଓ ଜ୍ୟାକ ଚୋରିକରି ନେଇଯାଇଥିଲେ ।

ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ଏକ ବିଶ୍ଵସ୍ତ ସୂତ୍ରକୁ ଆଧାର କରି ଗଙ୍ଗନଗର ଛକ ନିକଟରେ ଚଢଉ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ । ଛାନଭିନ ସମୟରେ ପୁଲିସ ନିମ୍ନୋକ୍ତ ଅଭିଯୁକ୍ତଙ୍କ ନିକଟରୁ ସମ୍ପୃକ୍ତ ଚୋରୀ ଯାଇଥିବା ମ୍ୟୁଜିକ ସିଷ୍ଟମ ଓ ଜ୍ୟାକ ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଦୋଷ ସ୍ଵୀକାର କରିଥିଲେ । ନିମ୍ନୋକ୍ତ ଅଭିଯୁକ୍ତ ଜଣେ ଅଭ୍ୟାସଗତ ଅପରାଧୀ ଥିବା ଜଣାପଡିଛି । ତାଙ୍କ ନାମରେ କ୍ୟାପିଟାଲ ଥାନାରେ ୨ ଟି ମାମଲା ରହିଥିବା ବେଳେ ଏୟାରଫିଲ୍ଡ ଦ୍ଯାନରେ ୩ଟି, ଏବଂ ଏୟାରପୋର୍ଟ ଦ୍ଯାନରେ ୨ଟି ମାମଲା ରହିଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।