ମୋଟରସାଇକେଲକୁ ଚୋରି,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର) : ମଞ୍ଚେଶ୍ଵର ଥାନା ପୁଲିସ ଅଭିଯୋଗକାରୀ ଶ୍ରୀ ରତିକାନ୍ତ ଦାଶଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁ କରି ତଦନ୍ତ କରିବା ସହିତ ଆଲୋକ ନାଥ(26) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଅଭିଯୋଗକାରୀ ଜଣକ ମଞ୍ଚେଶ୍ଵର ଥାନା ଅନ୍ତର୍ଗତ ଧୀରୀକୁଟି ସାହିରେ ରୁହନ୍ତି । ଗତ ତା.୨୬.୦୩.୨୦୨୪ ରିଖ ସନ୍ଧ୍ୟାରେ ଅଭିଯୋଗକାରୀ ଜଣକ ନିଜ ମୋଟରସାଇକେଲକୁ ନିଜ ଘର ସମୁଖରେ ପାର୍କିଂ କରିଥିଲେ। ପାଖରେ କେହି ନଥିବାର ସୁଯୋଗ ନେଇ ନିମ୍ନୋକ୍ତ ଅଭିଯୁକ୍ତ ଜଣକ ଅଭିଯୋଗକାରୀଙ୍କ ମୋଟରସାଇକେଲକୁ ସେଠାରୁ ଚୋରିକରି ନେଇଯାଇଥିଲେ ।

ନିଜ ମୋଟରସାଇକେଲକୁ ବହୁ ଖୋଜାଖୋଜି କରିଥିଲେ ମଧ୍ୟ ନାପାଇବାରୁ ଏନେଇ ସେ ଥାନାରେ ଅଭିଯୋଗ କରିଥିଲେ । ଘଟଣାର ଅଭିଯୋଗ ପରେ, ପୁଲିସ ମାମଲା ରୁଜୁ କରି ତଦନ୍ତ କରିବା ସହିତ ବିଶ୍ଵସ୍ତ ସୂତ୍ରରୁ ସୂଚନା ପାଇ ପଳାଶୁଣି ଛକ ନିକଟରେ ଚଢଉ କରି ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିଥିବା ବେଳେ ତାଙ୍କ ନିକଟରୁ ସମ୍ପୃକ୍ତ ଚୋରା ମୋଟରସାଇକେଲକୁ ଜବତ କରିବାରେ ସକ୍ଷମ ହୋଇଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ଏହି ମୋଟରସାଇକେଲକୁ ଅଭିଯୋଗକାରୀଙ୍କ ଘର ସମୁଖରୁ ଚୋରୀ କରି ଆଣି ମଞ୍ଚେଶ୍ଵର ରେଲୱେ ଷ୍ଟେସନରେ ଦୁଇ ଦିନ ରଖିବା ପରେ କଟକ ଅଞ୍ଚଳକୁ ଚାଲାଣ କରୁଥିବା କଥା ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।