ନିୟମିତ ଭାବେ ବେଆଇନ ଚାନ୍ଦା ଆଦାୟ,ଅଭିଯୁକ୍ତ କୁ ବାନ୍ଧିଲା ପୋଲିସ

ନିରପେକ୍ଷ(ଭୁବନେଶ୍ୱର): ଲକ୍ଷ୍ମୀସାଗର ଥାନା ପୁଲିସ ଅଭିଯୋଗକାରୀ ଶ୍ରୀ ସୁମନ କୁମାର ସାହୁଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁ କରି ତଦନ୍ତ କରିବା ସହିତ ସୁତାନଶୁ ମହାନ୍ତି(27) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଅଭିଯୋଗକାରୀ ଜଣକ ଚିନ୍ତାମଣିଶ୍ଵର, ଲ୍ଏନ-୩ ଅନ୍ତର୍ଗତ ପ୍ଲାଟ ନମ୍ବର-୨୦୨୭ ରେ ରୁହନ୍ତି । ନିମ୍ନୋକ୍ତ ଅଭିଯୁକ୍ତ ଜଣକ ଷ୍ଟେସନ ବଜାର ଅଞ୍ଚଳରେ ଥିବା ସାଇମନ୍ଦିର ନାମରେ ନିୟମିତ ଭାବେ ଚାନ୍ଦା ଆଦାୟ କରିଥାନ୍ତି । ଗତ ତା.୨୪.୦୩.୨୦୨୪ ରିଖ ସନ୍ଧ୍ୟାରେ ଅଭିଯୁକ୍ତ ଜଣକ ଚିନ୍ତାମଣିଶ୍ଵର ଅଞ୍ଚଳରେ ଥିବା ନିଗମ ହାଟସ ଅପାର୍ଟମେଣ୍ଟରୁ ଚାନ୍ଦା ଆଦାୟ କରୁଥିବା ବେଳେ ସ୍ଥାନୀୟ ଲୋକ ପିସିଆରକୁ ସୂଚନା ଦେଇଥିଲେ ।

ସେହିପରି ଗତ କାଲି ସକାଳେ ମଧ୍ୟ ଅଭିଯୁକ୍ତ ଜଣକ ଚିନ୍ତାମଣିଶ୍ଵର ଅଞ୍ଚଳରେ ସାଇମନ୍ଦିର ନାମରେ ଚାନ୍ଦା ଆଦାୟ କରୁଥିବା ବେଳେ ସ୍ଥାନୀୟ ଲୋକଙ୍କ ନିକଟରୁ ସୂଚନା ପାଇ ଲକ୍ଷ୍ମୀସାଗର ଥାନା ପୁଲିସ ଘଟଣା ସ୍ଥଳରେ ପହଞ୍ଚି ତାଙ୍କୁ କାବୁ କରିଥିଲେ । ପରେ ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁ କରି ତଦନ୍ତ କରିବା ସହିତ ତାଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଦୋଷ ସ୍ଵୀକାର କରିଥିଲେ । ଅଭିଯୁକ୍ତଙ୍କ ନାମରେ ପୂର୍ବରୁ ମଧ୍ୟ ଘଟଗାଁ ଥାନା ଓ ନୟାପଲ୍ଲୀ ଥାନାରେ ଦୁଇଟି ମାମଲା ରହିଥିବା ତଦନ୍ତରୁ ଜଣାପଡିଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।