ଭ୍ୟାନିଟି ବ୍ୟାଗକୁ ଚୋରି,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର):ନୟାପଲ୍ଲୀ ଥାନା ପୁଲିସ ଅଭିଯୋଗକାରୀ ଶ୍ରୀ ଗୌତମ ହରିଚନ୍ଦନ ମହାପାତ୍ରଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁ କରି ତଦନ୍ତ କରିବା ସହିତ ସୁକମଣି ଦିଗାଲ(24)ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଅଭିଯୋଗକାରୀ ଜଣକ ନୀଳକଣ୍ଠନଗର ଅନ୍ତର୍ଗତ ପ୍ଲଟ ନମ୍ବର-୧୯୦୬-ସି ରେ ରୁହନ୍ତି । ଗତ ତା.୨୭.୦୩.୨୦୨୪ ରିଖ ସନ୍ଧ୍ୟାରେ ନିମ୍ନୋକ୍ତ ଅଭିଯୁକ୍ତ ଜଣକ କୌଶଳ କ୍ରମେ ଅଭିଯୋଗକାରୀଙ୍କ ଘର ଭିତରକୁ ପ୍ରବେଶ କରିବା ସହିତ ଭିତରେ ଥିବା ଏକ ଭ୍ୟାନିଟି ବ୍ୟାଗକୁ ଚୋରିକରି ନେଇଯାଇଥିଲେ । ଉକ୍ତ ଭ୍ୟାନିଟିରେ ଗୋଟିଏ ମୋବାଇଲ ଫୋନ ଏବଂ ପଚାଶ ହଜାର ଟଙ୍କା ଥିବା ଅଭିଯୋଗ ହୋଇଥିଲା ।

ଚୋରୀ ହେବାର କିଛି ସମୟ ପରେ ଜଣେ ବ୍ୟକ୍ତିଙ୍କ ନିକଟରୁ ଫୋନ ଜରିଆରେ ନିଜର ଭ୍ୟାନିଟି ବ୍ୟାଗ ମିଳିଥିବା ଏବଂ ଅଭିଯୁକ୍ତଙ୍କୁ ସ୍ଥାନୀୟ ଲୋକ କାବୁକରିଥିବାର ସୂଚନା ପାଇ ଅଭିଯୋଗକାରୀ ଜଣକ ଏନ -୪ ସ୍ଥିତ ରାଧାକୃଷ୍ଣ ମନ୍ଦିର ନିକଟରେ ଯାଇ ପହଞ୍ଚିବା ସହିତ ଘଟଣା ସମ୍ପର୍କରେ ଥାନାରେ ଏକ ଲିଖିତ ଅଭିଯୋଗ କରିଥିଲେ । ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁ କରି ତଦନ୍ତ କରିବା ସହିତ ଘଟଣା ସ୍ଥଳରୁ ଅଭିଯୁକ୍ତଙ୍କୁ ଗିରଫ କରିଥିଲେ । ଛାନଭିନ ସମୟରେ ପୁଲିସ ଅଭିଯୁକ୍ତଙ୍କ ନିକଟରୁ ଚୋରୀଯାଇଥିବା ସାମଗ୍ରୀ ସବୁକୁ ଜବତ କରିଥିଲେ ।

ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଦୋଷ ସ୍ଵୀକାର କରିଥିଲେ । ଅଭିଯୁକ୍ତଙ୍କ ନାମରେ ପୂର୍ବରୁ ମଧ୍ୟ ଭ୍ବନେଶ୍ଵରର ବିଭିନ୍ନ ଥାନାରେ ୯ ଟିରୁ ଅଧିକ ମାମଲା ରହିଥିବା ତଦନ୍ତ ବେଳେ ଜଣାପଡିଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।