ଶୁଖିଲା ପତ୍ର ସବୁକୁ ଓଳାଉ ଥିବା ବେଳେ ଯୁକ୍ତତର୍କ ସହ କାନ୍ଥରେ ମୁଣ୍ଡକୁ ପିଟି ଜୀବନରୁ ମାରିଦେବାର ଧମକ

ନିରପେକ୍ଷ(ଭୁବନେଶ୍ୱର): ଶ୍ରୀ ଲିଙ୍ଗରାଜ ଥାନା ପୁଲିସ ଅଭିଯୋଗକାରୀ ଶ୍ରୀ ମାଧବ ଚନ୍ଦ୍ର ମହାପାତ୍ରଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁ କରି ତଦନ୍ତ କରିବା ସହିତ ବିଶ୍ୱରଞ୍ଜନ ବିଶ୍ୱାଳ@ଗୁଲୁ(25) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଅଭିଯୋଗକାରୀ ଜଣକ କେଉଟ ସାହି ଛକ ଠାରେ ଥିବ ପ୍ଲଟ ନମ୍ବର-୧୫୪୦/୪୧୩୧ ରେ ରୁହନ୍ତି। ଘଟଣା ଦିନ ଅଭିଯୋଗକାରୀ ଜଣକ ଘର ସମୁଖରେ ପଡିଥିବା ଶଖିଲା ପତ୍ର ସବୁକୁ ଓଳାଉ ଥିବା ବେଳେ ଅଭିଯୁକ୍ତଙ୍କ ମା ସେଠାରେ ପହଞ୍ଚି ତାଙ୍କ ସହିତ ଯୁକ୍ତତର୍କ କରିଥିଲେ ।

ଏହି ସମୟରେ ଅଭିଯୁକ୍ତ ଜଣକ ସେଠାରେ ପହଞ୍ଚି ହଠାତ ଉତ୍ତ୍ୟକ୍ତ ହୋଇ ଅଭିଯୋଗକାରୀଙ୍କୁ ଘୋଷଡି ନେବା ସହିତ କାନ୍ଥରେ ତାଙ୍କ ମୁଣ୍ଡକୁ ପିଟି ଦେଇଥିଲେ ଯାହାଫଳରେ ଅଭିଯୋଗକାରୀଙ୍କ ମୁଣ୍ଡ ଫାଟିଯାଇ ପ୍ରବଳ ରକ୍ତସ୍ରାବ ହୋଇଥିଲା । ଅଭିଯୁକ୍ତ ଜଣକ ତାଙ୍କୁ ଜୀବନରୁ ମାରିଦେବାର ଧମକ ମଧ୍ୟ ଦେଇଥିଲେ । ଅଭିଯୋଗକାରୀଙ୍କ ନିକଟରୁ ସୂଚନା ପାଇ ପିସିଆର ଘଟଣା ସ୍ଥଳରେ ପହଞ୍ଚିବା ସହିତ ତାଙ୍କୁ ଉଦ୍ଧାର କରି ବିଏମସି ହସ୍ପିଟାଲକୁ ସ୍ଥାନାନ୍ତର କରିଥିଲେ । ଘଟଣାର ଅଭିଯୋଗ ପରେ, ପୁଲିସ ମାମଲାର ତଦନ୍ତ କରିବା ସହିତ ବିଶ୍ଵସ୍ତ ସୂତ୍ରରୁ ଚଢଉ ଜରିଆରେ ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।