ଅଶ୍ରାବ୍ୟ ଭାଷାରେ ଗାଳିଗୁଲଜ ସହ ଅଧିକାରୀଙ୍କୁ ମାଡ଼ ମାରିବା ଏବଂ ଜୀବନରୁ ମାରିଦେବାକୁ ଧମକ

ନିରପେକ୍ଷ(ଭୁବନେଶ୍ୱର) :ଶ୍ରୀ ଲିଙ୍ଗରାଜ ଥାନା ପୁଲିସ ଉପରୋକ୍ତ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ପ୍ରମିଳା ବିଶ୍ୱାଳ@ଗୀତା(48) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଶ୍ରୀ ଲିଙ୍ଗରାଜ ଥାନା କେସ ନମ୍ବର-୬୯/୨୦୨୪ ରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ଗିରଫ କରିବା ଲାଗି ତଦନ୍ତକାରୀ ଅଧିକାରୀ ନିଜ ଟିମ୍ ନେଇ କେଉଟ ସାହି ଛକ ସ୍ଥିତ ପ୍ଲଟ ନମ୍ବର-୧୫୪୦ ରେ ଥିବା ଘରକୁ ଯାଇଥିବା ବେଳେ ନିମ୍ନୋକ୍ତ ଅଭିଯୁକ୍ତ ତାଙ୍କୁ ତାଙ୍କ ଡ୍ୟୁଟି ସମ୍ପାଦନ କରିବାରେ ବଧା ସୃଷ୍ଟି କରିଥିଲେ ।

ସେ ସମ୍ପୃକ୍ତ ଅଧିକାରୀ ଏବଂ ତାଙ୍କ ଟିମକୁ ଅଶ୍ରାବ୍ୟ ଭାଷାରେ ଗାଳିଗୁଲଜ କରିଥିବା ବେଳେ ଅଧିକାରୀଙ୍କୁ ମାଡ଼ ମାରିଥିଲେ ଏବଂ ଜୀବନରୁ ମାରିଦେବାର ଧମକ ମଧ୍ୟ ଦେଇଥିଲେ । ଯାହାଫଳରେ ଅଧିକାରୀ ଜଣକ ଆହତ ହୋଇଥିଲେ । ଏହି ଘଟଣାରେ ପୁଲିସ ନିଜ ତରଫରୁ ଏକ ମାମଲା ରୁଜୁ କରି ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଏହି ଘଟଣାରେ ଗିରଫ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।