ଅଶ୍ରାବ୍ୟ ଭାଷାରେ ଗାଳିମନ୍ଦ କରିବା ସହିତ ମାଡ ମାରିବା ଘଟଣା

ନିରପେକ୍ଷ(ଭୁବନେଶ୍ୱର): ଖାରବେଳନଗର ଥାନା ପୁଲିସ ଉପରୋକ୍ତ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ସ୍ୱୟଂଶୁ ସତ୍ୟଜିତ ସାହୁ(20) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଗତ ତା.୨୪.୦୮.୨୦୨୩ ରିଖ ରାତିରେ ଅଭିଯୋଗକାରୀ ନିଜ ଟିମ ସହିତ ରାଜକୁମାର ବସ୍ତିରୁ ଏକ୍ସାଇଜ ରେଡ ସାରି ଫେରିବା ବେଳେ ବ୍ଳାଇଣ୍ଡ ଆସୋସିଏସନ ନିକଟରେ ନିମ୍ନୋକ୍ତ ଅଭିଯୁକ୍ତ ଏବଂ ଜଣେ ଝିଅ ଏକ ସ୍କୁଟି ଚଳାଇ ରଙ୍ଗ ରୁଟରେ ଯାଉଥିବା ବେଳେ ତାଙ୍କୁ ଅଟକାଇ ସେପରି ରଙ୍ଗ ରୁଟ ଡ୍ରାଇଭ ନ କରିବା ଲାଗି କହିଥିଲେ । ଏଥିରେ ଉତକ୍ଷିପ୍ତ ହୋଇ ନିମ୍ନୋକ୍ତ ଅଭିଯୁକ୍ତ ଜଣକ ଅଭିଯୋଗକାରୀଙ୍କୁ ଅଶ୍ରାବ୍ୟ ଭାଷାରେ ଗାଳିଗୁଲଜ କରିଥିଲେ ।

ଅଭିଯୋଗକାରୀ ନିଜ ମୋବାଇଲ ଜରିଆରେ ସେମାନେ ଚଳାଇ ଆସିଥିବା ସ୍କୁଟିର ଫଟୋ ଉଠାଇବା ସମୟରେ ସମ୍ପୃକ୍ତ ଝିଅ ଜଣକ ତାଙ୍କୁ ଏକ ଶାକ୍ତ ଧକା ପକାଇବା ସହିତ ତାଙ୍କ ହାତରୁ ମୋବାଇଲ ଛଡାଇ ନେଇଯାଇଥିଲେ । ପରେ ଘଟଣା ସ୍ଥଳରେ ମହିଳା ପୁଲିସ ପହଞ୍ଚିବା ପୂର୍ବରୁ ଅଭିଯୁକ୍ତଙ୍କ ନିକଟରୁ ସୂଚନା ପାଇ ପାଖ ବସ୍ତିରେ ରହୁଥିବା ୪ ରୁ ୫ଜଣ ମହିଳା ଓ ଯୁବତୀ ଆସି ସେଠାରେ ପହଞ୍ଚି ଯାଇଥିଲେ । ସେଠାରେ ସେମାନେ ଅଭିଯୋଗକାରୀଙ୍କୁ ପୁନଃ ।

ସୂଚନା ପାଇ ପିସିଆର-୩ ଘଟଣା ସ୍ଥଳରେ ପହଞ୍ଚି ଅଭିଯୋଗକାରୀଙ୍କୁ ଉଦ୍ଧାର କରିଥିଲେ । ମାମଲାର ତଦନ୍ତ ଚାଲିଥିବା ବେଳେ ପୁଲିସ ଆଜି ନିମ୍ନୋକ୍ତ ଅଭିଯୁକ୍ତଙ୍କୁ ବିଗବଜାର ଛକ ନିକଟରୁ କାବୁ କରିବାରେ ସକ୍ଷମ ହୋଇଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଦୋଷ ସ୍ଵୀକାର କରିଥିଲେ ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।