ବେଆଇନ ମଦ ଚାଲାଣ ଓ ବିକ୍ରୟ ଅଭିଯୋଗ

ନିରପେକ୍ଷ(ଭୁବନେଶ୍ୱର): ଧଉଳି ଥାନା ପୁଲିସ ବେଆଇନ ମଦ ଚାଲାଣ ଓ ବିକ୍ରୟ ଅଭିଯୋଗରେ ପ୍ରମୋଦ କୁମାର ସାହୁ(49) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଧଉଳି ଥାନାଧିକାରୀଙ୍କ ନିର୍ଦ୍ଧେଶ କ୍ରମେ ସମ୍ପୃକ୍ତ ଥାନାର ଏକ ପାଟ୍ରୋଲିଂ ଟୀମ ନିଜ ଅଞ୍ଚଳରେ ପେଟ୍ରୋଲିଂ କରୁଥିବା ବେଳେ, ନିମ୍ନୋକ୍ତ ଅଭିଯୁକ୍ତ ଜଣକ ଏକ ଦୁଇଚକିଆ ଯାନ ଜରିଆରେ କିଛି ଦେଶୀ ଓ ବିଦେଶୀ ମଦ ବିକ୍ରୟ ଉଦ୍ଦେଶ୍ୟରେ ଚାଲାଣ କରୁଥିବା ନେଇ ବିଶ୍ଵସ୍ତ ସୂତ୍ରରୁ ସୂଚନା ହସ୍ତଗତ ହୋଇଥିଲା ।

ହସ୍ତଗତ ହୋଇଥିବା ଏହି ସୂଚନା ଆଧାରରେ ପେଟ୍ରୋଲିଂ ଟିମ ସରଦେଇପୁର ଛକ ନିକଟସ୍ଥ ଡାକ ବଙ୍ଗଳା ପାଖରେ ଅତର୍କିତ ଚଢଉ କରିବା ସହ ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ । ତଲାସି ସମୟରେ ପୁଲିସ ଅଭିଯୁକ୍ତଙ୍କ ହେପାଜତରୁ ସମୁଦାୟ ୫ ଲିଟର ଆସ୍କା-୪୦ ଦେଶୀ ମଦ ଏବଂ ୧୬.୭୯ ଲିଟର ବିଦେଶୀମଦ ସହିତ ଏକ ଦୁଇଚକିଆ ଯାନ ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ଏହି ବିଦେଶୀମଦ ଚାଲାଣ ଓ ବିକ୍ରୟ ନେଇ ପାଖରେ କୌଣସି ଅନୁମତି ପତ୍ର ନଥିବା ସ୍ଵୀକାର କରିଥିଲେ ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।