ବେଆଇନ ଦେଶୀ ଓ ବିଦେଶୀମଦ ବିକ୍ରୟ କରୁଥିବା ସମୟରେ ଅଭିଯୁକ୍ତଙ୍କୁ କାବୁ କଲା ପୋଲିସ

ନିରପେକ୍ଷ(ଭୁବନେଶ୍ୱର) : ବାଲିଅନ୍ତା ଥାନା ପୁଲିସ ବେଆଇନ ମଦ ବିକ୍ରୟ ଅଭିଯୋଗରେ ନୃସିଂହ ଚରଣ ସାହୁ(48) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ବିଶ୍ଵସ୍ତ ସୂତ୍ରରୁ ହସ୍ତଗତ ହୋଇଥିବା ସୂଚନା ଆଧାରରେ ବାଲିଅନ୍ତା ଥାନାଧିକାରୀଙ୍କ ନିର୍ଦ୍ଧେଶ କ୍ରମେ ସମ୍ପୃକ୍ତ ଥାନାର ଏକ ପାଟ୍ରୋଲିଂ ଟିମ ଚାରିମାଣିଆ ଛକ ନିକଟରେ ଥିବା ଝାଡେଶ୍ଵରୀ ମନ୍ଦିର ପଛ ପାଖରେ ଅତର୍କିତ ଚଢଉ କରିବା ସହ ବେଆଇନ ଦେଶୀ ଓ ବିଦେଶୀମଦ ବିକ୍ରୟ କରୁଥିବା ସମୟରେ ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ ।

ତଲାସି ସମୟରେ ପୁଲିସ ଅଭିଯୁକ୍ତଙ୍କ ହେପାଜତରୁ ସମୁଦାୟ ୨୪ଟି ବୋତଲରେ ସିଲ ଅବସ୍ଥାରେ ଥିବା ବଦେଶୀମଦ ଏବଂ ୪୮ଟି ବୋତଲରେ ସିଲ ଅବସ୍ଥାରେ ଥିବା ଆସ୍କା-୪୦ ଦେଶୀମଦ ଏବଂ ଏକ ସ୍କୁଟି ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ, ଏହି ଦେଶୀ ଓ ବିଦେଶୀ ମଦ ବିକ୍ରୟ ନେଇ ପାଖରେ କୌଣସି ଅନୁମତି ପତ୍ର ନଥିବା ସ୍ଵୀକାର କରିଥିଲେ ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।