ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହ ଲୁହାଛଡ ରେ ମରଣାନ୍ତକ ଆକ୍ରମଣ

ନିରପେକ୍ଷ(ଭୁବନେଶ୍ୱର): ଖାରବେଳନଗର ଥାନା ପୁଲିସ ଅଭିଯୋଗକାରୀ ଶ୍ରୀ ରଶ୍ମୀରଞ୍ଜନ ସାହୁଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହପ୍ରଦୀପ ଦିଗଲ(19),ଶୁଭମ ନାୟକ(19) ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଗତ ତା.୨୦.୦୩.୨୦୨୪ ରିଖ ଦିନ ରାତିରେ ଅଭିଯୋଗକାରୀ ଏବଂ ତାଙ୍କର ଅନ୍ୟ ବନ୍ଧୁ ମାନେ ୟୁନିଟ-୪ ଅନ୍ତର୍ଗତ ବିବେକାନନ୍ଦ ହାଇସ୍କୁଲ ପଡିଆରେ ବସିଥିବା ବେଳେ ନିମ୍ନୋକ୍ତ ଦୁଇ ଅଭିଯୁକ୍ତ ଏବଂ ତାଙ୍କର ସହଯୋଗୀ ମାନେ ଉକ୍ତ ପଡିଆ ପାଖ ଦେଇ ଯାଇଥିବା ରାସ୍ତାରେ ବାରମ୍ବାର ଯିବାଆସିବା କରିଥିଲେ । ଏହା ଦେଖି ଅଭିଯୋଗକାରୀ ଏବଂ ତାଙ୍କ ବନ୍ଧୁ ମାନେ ସେମାନଙ୍କୁ ଅଟକାଇ ବାରମ୍ବାର ଯିବାଆସିବା କାହିଁକି କରୁଛନ୍ତି ବୋଲି ସେମାନଙ୍କୁ ପ୍ରଶ୍ନ କରିଥିଲେ ।

ଏହାକୁ କେନ୍ଦ୍ରକରି ସେଠାରେ ଉଭୟ ଦଳ ମଧ୍ୟରେ ଯୁକ୍ତିତର୍କ ହୋଇଥିଲା ଏବଂ ପରେ ଅଭିଯୁକ୍ତ ମାନେ ହଠାତ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ଆରମ୍ଭ କରିଦେଇଥିଲେ । ଅଭିଯୋଗକାରୀ ସେମାନଙ୍କ କାର୍ଯ୍ୟକଳାପକୁ ବିରୋଧ କରିବାରୁ ଅଭିଯୁକ୍ତ ମାନେ ପାଖରେ ଥିବା ଏକ ଛୋଟ ଲୁହାଛଡ ସାହାଯ୍ଯରେ ଅଭିଯୋଗକାରୀ ଏବଂ ତାଙ୍କର ଜଣେ ବନ୍ଧୁଙ୍କୁ ମରଣାନ୍ତକ ଆକ୍ରମଣ କରିଥିଲେ ଏବଂ ଜୀବନରୁ ମାରିଦେବାର ଧମକ ମଧ୍ୟ ଦେଇଥିଲେ ।

ଏହି ଆକ୍ରମଣ ଯୋଗୁଁ ଉଭୟ ଗୁରୁତର ଆହତ ହୋଇଥିବା ବେଳେ ହସ୍ପିଟାଲକୁ ସ୍ଥାନାନ୍ତର ହୋଇଥିଲେ । ଘଟଣାର ଅଭିଯୋଗ ପରେ, ପୁଲିସ ମାମଲା ରୁଜୁକରି ତଦନ୍ତ କରିବା ସହ ବିଶ୍ଵସ୍ତ ସୂତ୍ରରୁ ଚଢଉ ଜରିଆରେ ନିମ୍ନୋକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହୋଇଥିଲେ । ପଚରାଉଚରା ବେଳେ ଉଭୟ ଅଭିଯୁକ୍ତ ନିଜ ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।