ବିବାହ କରିବାର ମିଥ୍ୟା ପ୍ରତିସୂତି ଦେଇ ପୀଡ଼ିତାଙ୍କ ଇଛା ବିରୁଦ୍ଧରେ ବଳପୂର୍ବକ ଶାରୀରିକ ସମ୍ପର୍କ

ନିରପେକ୍ଷ(ଭୁବନେଶ୍ୱର): କ୍ୟାପିଟାଲ ଥାନା ପୁଲିସ ପୀଡ଼ିତାଙ୍କ ଏତଲା ଆଧାରରେ ତଦନ୍ତ କରିବା ସହ ସୁକାନ୍ତ କୁମାର ନାୟକ(42) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ପୀଡ଼ିତା ସିଭିଲ ପରୀକ୍ଷା ପାଇଁ ଭୁବନେଶ୍ବରରେ ରହି ପ୍ରସ୍ତୁତି କରିଆସୁଥିଲେ । ନିମ୍ନୋକ୍ତ ଅଭିଯୁକ୍ତ ଚାକିରି ଯୋଗାଇଦେବାର ନିଶ୍ଚିତ ପ୍ରତିସୂତି ଦେଇ ଗତ ବର୍ଷେ ପୂର୍ବରୁ ପୀଡ଼ିତାଙ୍କ ଯୋଗାଯୋଗରେ ଆସିଥିଲେ । ଏହା ପରେ ଅଭିଯୁକ୍ତ ଜଣକ ପୀଡ଼ିତାଙ୍କର ନିକତତ୍ତର ହୋଇଥିଲେ ଏବଂ ଉଭୟଙ୍କ ମଧ୍ୟରେ ସମ୍ପର୍କ ଗଢିଉଠିଥିଲା ।

ଏହି ସବୁ ମଧ୍ୟରେ ଅଭିଯୁକ୍ତ ଜଣକ କ୍ରମଶ ବିଭିନ୍ନ ସମୟରେ ପୀଡ଼ିତାଙ୍କ ଠାରୁ ୨,୭୦,୦୦୦/- ଟଙ୍କା ନେଇଥିଲେ । ଅଭିଯୁକ୍ତ ଜଣକ ବିବାହ କରିବାର ମିଥ୍ୟା ପ୍ରତିସୂତି ଦେଇ ପୀଡ଼ିତାଙ୍କ ମନରେ ବିଶ୍ବାସ ଜନ୍ମାଇ ଅନେକ ସମୟରେ ତାଙ୍କର ଇଛା ବିରୁଦ୍ଧରେ ବଳପୂର୍ବକ ଶାରୀରିକ ସମ୍ପର୍କ ରଖିଥିଲେ । ପୀଡ଼ିତା ଗର୍ଭବତୀ ହେବା ନେଇ ଜାଣିବା ପରେ ଅଭିଯୁକ୍ତ ଜଣକ ତାଙ୍କୁ ବିବାହ କରିବାକୁ ସମ୍ପୂର୍ଣ୍ଣ ମନା କରିଥିଲେ ଏବଂ ତାଙ୍କୁ ଧମକ ଦେବ ସହ ଗର୍ଭନଷ୍ଟ କରିବାକୁ କହିଥିଲେ। ଅଭିଯୁକ୍ତ ଓ ତାଙ୍କର ଭାଇ ଅନ୍ୟ ଜଣେ ସହଯୋଗୀଙ୍କ ସହିତ ପୀଡ଼ିତାଙ୍କ ଠାରୁ ନେଇଥିବା ଟଙ୍କା କୁ ଆତ୍ମସାତ କରିଥିବା ନେଇ ସେ ତାଙ୍କର ଏତଲାରେ ମଧ୍ୟ ଉଲ୍ଲେଖ କରିଥିଲେ ।

ଏହି ମାମଲାର ତଦନ୍ତ କରି କ୍ୟାପିଟାଲ ଥାନା ପୁଲିସ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି ଥାନାକୁ ଆଣିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।