ଚୋରୀ ମାମଲା ରେ ୧ବର୍ଷର ସଶ୍ରମ କାରାଦଣ୍ଡ ସହ ୧୦୦୦/- ଟଙ୍କା ଜୋରିମାନା

ନିରପେକ୍ଷ(ବ୍ୟୁରୋ): ଭୁବନେଶ୍ୱର ସ୍ଥିତ, ପ୍ରଥମ ଶ୍ରେଣୀ ବିଚାରପତି (୫) ଶ୍ରୀଯୁକ୍ତ ସବ୍ୟସାଚୀ ପଣ୍ଡା ଙ୍କଦ୍ୱାରା ଆସାମୀ ବିଶ୍ବଜିତ ବେହେରା ଓରଫ ବାପି କୁ ଚୋରୀ ମାମଲା ରେ ଦଣ୍ଡାଦେଷ ପ୍ରକାଶ କରିଛନ୍ତି ।
ଘଟଣାର ଅନ୍ତରାଳେ:ଅଭିଯୋଗକାରୀ ଅଜୟ କୁମାର ସାହୁଙ୍କର ଖଡଗିରି ଧର୍ମବିହାର ପ୍ଲଟ ନଂ- ଏଚଆଇଜି-୪୪ରେ ଏକ ଅଫିସ ଅଛି, ଯେଉଁଠାରେ ସେ ଏକ ପ୍ରୋଜେକ୍ଟ କାମ କରନ୍ତି । ଗତ ଟା ୨୪.୦୩.୨୦୨୩ ରିଖ ସକାଳ ୧୦ଟା ସମୟରେ ଉକ୍ତ ଅଫିସରେ କାର୍ଯ୍ୟ କରୁଥିବା ପିଅନଙ୍କ ଠାରୁ ସେଠାରେ କିଛି ଚୋରୀ ହୋଇଥିବା ଜାଣିବାକୁ ପାଇଥିଲେ। ସେ ତୁରନ୍ତ ତାଙ୍କର ଅଫିସ କୁ ଆସିଥିଲେ ଏବଂ ସେଠାରେ କିଛି ବାଥରୁମ ଟ୍ୟାପ ଚୋରୀ ହୋଇଥିବାର ଦେଖିଥିଲେ । ଏନେଇ ସେ ଖଣ୍ଡଗିରୀ ଥାନାରେ ଲିଖିତ ଅଭଯୋଗ କରିଥିଲେ ।

ଅଭିଯୋଗକାରୀଙ୍କର ଏତାଲା ଆଧାରରେ ଖଣ୍ଡଗିରି ଥାନା କେସ ନଂ-୧୭୪/୨୦୨୩, ଦଫା- ୪୫୪/୩୮୦ରେ ଏକ ମାମଲା ରୁଜୁ କରାଯାଇଥିବ ବେଳେ ଥାନାର କାର୍ଯ୍ୟରତ ଏସଆଇ ଶ୍ରୀ ଅମୂଲ୍ୟ ପ୍ରଧାନଙ୍କୁ ଏହାର ତଦନ୍ତ ଭାର ଦିଆଯାଇଥିଲା । ଶ୍ରୀ ପ୍ରଧାନ ଏହି ମାମଲାର ସଠିକ ତଦନ୍ତ କରିବା ସହିତ ଅଭିଯୁକ୍ତ ବିଶ୍ବଜିତ ବେହେରା ଓରଫ ବାପି କୁ ଗିରଫ କରି ତାଙ୍କ ନିକଟରୁ ଚୋରୀ ସାମଗ୍ରୀ ଜବତ କରିବା ସହିତ ସମ୍ପୃକ୍ତ ଅଭିଯୋଗକାରୀଙ୍କୁ ଜିମା ଦେଇଥିଲେ ।
ଏହି ମାମଲା ରେ ମାନ୍ୟବର ଅଦାଲତ ସାକ୍ଷୀ ମାନଙ୍କ ବୟାନ ରେକର୍ଡ କରି ଓ ପ୍ରଯୁଜ୍ୟ ଦସ୍ତାବିଜ କୁ ଗ୍ରହଣ କରିଥିଲେ l ଏହି ସମସ୍ତ ଘଟଣା ଙ୍କୁ ବିଚାର କରି ମାନ୍ୟବର ଅଦାଲତ ବିଶ୍ବଜିତ ବେହେରା ଓରଫ ବାପି କୁ ଦଫା-୪୫୪ରେ ୧ବର୍ଷର ସଶ୍ରମ କାରାଦଣ୍ଡ ସହ ୧୦୦୦/- ଟଙ୍କା ଜୋରିମାନା ଓ ଜୋରିମାନା ଅନଦାୟ କ୍ଷେତ୍ରରେ ଅତ୍ୟଧିକ ଏକ ମାସ ଏବଂ ଦଫା-୩୮୦ରେ ୬ ମାସର କାରାଦଣ୍ଡ ସହ ୧୦୦୦/- ଟଙ୍କା ଜୋରିମାନା ଓ ଜୋରିମାନା ଅନଦାୟ କ୍ଷେତ୍ରରେ ଅତ୍ୟଧିକ ଏକ ମାସର ଦଣ୍ଡ ପ୍ରକାଶ କରିଛନ୍ତି l ଏହି ମକଦମା ରେ ସରକାର ଙ୍କ ତରଫରୁ ସହକାରୀ ପବ୍ଲିକପ୍ରସିକୁଟର ଶ୍ରୀ ନିରଞ୍ଜନ ବେହେରା ମାମଲା ଟିକୁ ପରିଚାଳନା କରୁଥିଲେ l

ସୂଚନା ଯୋଗ୍ୟ ଯେ, ଗତ ବର୍ଷ ସମୁଦାୟ ୮୨ଟି ମାମଲାର ଶୁଣାଣି କରାଯାଇ ଦୋଷୀ ମାନଙ୍କୁ ସଜା ଦିଆଯାଇସାରିଥିବା ବେଳେ ଭୁବନେଶ୍ବରସହରାଞ୍ଚଳ ଜିଲ୍ଲା ତରଫରୁ ଚଳିତ ବର୍ଷ ଏଯାବତ ୨୪ଟିମାମଲାର ଶୁଣାଣି ଶେଷ ହୋଇ ଦୋଷୀଙ୍କୁ ସଜ ହୋଇଛି । ଚଳିତ ବର୍ଷର ଭୁବନେଶ୍ବରପ୍ରଥମ ଶ୍ରେଣୀୟ-୫ର ବିଚାର ବିଭାଗୀୟ ଅଦାଲତର ଏହା ନବମ ଦଣ୍ଡ ଶୁଣାଣି ।