ଦ୍ୱିତୀୟ ପତ୍ନୀର ଚରିତ୍ର କୁ ସନ୍ଦେହ କରି ମରଣାନ୍ତକ ଆକ୍ରମଣ

ନିରପେକ୍ଷ(ଭୁବନେଶ୍ୱର) : ଶ୍ରୀ ଲିଙ୍ଗରାଜ ଥାନା ପୁଲିସ ଅଭିଯୋଗକାରିଣୀଙ୍କର ଅଭିଯୋଗ ଭିତ୍ତିରେ ତଦନ୍ତ କରିବା ସହ ଘନଶ୍ୟାମ ଦାସ@ବାବୁ (35) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୁକ୍ତ ପୂର୍ବରୁ ବିବାହିତ ଓ ତାଙ୍କର ପ୍ରଥମ ସ୍ତ୍ରୀ ତାଙ୍କୁ ଛାଡି ଚାଲିଯିବା ପରେ ସେ ଗତ ୨୦୧୯ ମସିହାରେ ପୀଡ଼ିତାଙ୍କୁଦ୍ବିତୀୟ ବିବାହ କରି ଓଲ୍ଡ ଟାଉନ ଚେମେଡି ସାହିରେ ରହି ଆସୁଥିଲେ । ବିବାହ ପରଠାରୁ ଉଭୟେ ପରସ୍ପରଙ୍କ ଚରିତ୍ରକୁ ନେଇ ସନ୍ଦେହ କରୁଥିବାରୁ ସେମାନଙ୍କ ମଧ୍ୟରେ ସର୍ବଦା ଅସନ୍ତୋଷ ଲାଗି ରହୁଥିଲା ।

ଏହାକୁ କେନ୍ଦ୍ର କରି ଗତ ତା ୧୨.୦୩.୨୦୨୪ ରିଖରେ ଅଭିଯୁକ୍ତ ନିଶାସକ୍ତ ଅବସ୍ଥାରେ ଘରକୁ ଫେରିଥିଲେ ଏବଂ ପୀଡ଼ିତାଙ୍କୁ ହତ୍ୟା କରିବା ଉଦେଶ୍ୟରେହେଲମେଟ ଓ ବେଲ୍ଟର ଆକ୍ରମଣ କରିଥିଲେ । ଏହା ପରେ ଅଭିଯୁକ୍ତ ଏକ ଭଙ୍ଗା ମଦ ବୋତଲ ଦେଖାଇ ତାଙ୍କୁ ହତ୍ୟା କରିବାର ଧମକ ଦେଇଥିଲେ । ପୀଡ଼ିତା ଏନେଇ ଚିତ୍କାର କରିବାରୁ କିଛି ପଡୋଶୀ ଘଟଣାସ୍ଥଳକୁ ଦୌଡି ଆସିଥିଲେ । ଏହା ଦେଖି ଅଭିଯୁକ୍ତ ଘଟଣାସ୍ଥଳ ରୁ ଚାଲି ଯାଇଥିଲେ । ଏହି ମାମଲାର ତଦନ୍ତ କରି ପୁଲିସ ଅଭିଯୁକ୍ତଙ୍କୁ ଗିରଫ କରି ଥାନାକୁ ଆଣିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ । ତଦନ୍ତ ସମୟରେ ଅଭିଯୁକ୍ତ ପୂର୍ବରୁ କ୍ୟାପିଟାଲ ଥାନା ରେ ଗୋଟିଏ ବେଆଇନ ମଦ ବିକ୍ରି ମାମଲାରେ କୋର୍ଟ ଚାଲାଣ ହୋଇଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।