ଛିନତାଇ ମାମଲାର ବିଚାର କରି ଅଭିଯୁକ୍ତ ଙ୍କୁ ଦୋଷୀ ସାବ୍ୟସ୍ତ

ନିରପେକ୍ଷ(ଭୁବନେଶ୍ୱର) : ଆଜିଭୁବନେଶ୍ବର ପ୍ରଥମ ଶ୍ରେଣୀୟ-୫ର ବିଚାର ବିଭାଗୀୟ ଅଦାଲତର ବିଚାରପତି ଶ୍ରୀ ସବ୍ୟସାଚୀ ପଣ୍ଡା,ଖଣ୍ଡଗିରିଥାନା ଅଞ୍ଚଳରେ ହୋଇଥିବା ଏକ ଛିନତାଇମାମଲାର ବିଚାର କରି ଅଭିଯୁକ୍ତଅଲି ଆଜମ ମଲ୍ଲିକଙ୍କୁ ଦୋଷୀ ସାବ୍ୟସ୍ତ କରି ଦଣ୍ଡଶୁଣାଇଛନ୍ତି।ଘଟଣାର ଅନ୍ତରାଳେ:ସୂଚନାଯୋଗ୍ୟ ଯେ, ଗତ ତା ୨୦.୦୫.୨୦୨୩ ରିଖ ସନ୍ଧ୍ୟାରେ ଅଭିଯୋଗକାରିଣୀ ସ୍କୁଟି ଯୋଗେ ବରମୁଣ୍ଡା ରୁ ଘରକୁ ଫେରୁଥିଲେ। ସମୟ ପ୍ରାୟ ୮.୩୦ ରେ ସେ ଭି-୨ ମଲ୍ ସାମ୍ନାରେ ଥିବା ବେଳେ ହଠାତ ଅଭିଯୁକ୍ତ ଅଲି ଆଜମ ଓ ତାଙ୍କର ସହଯୋଗୀ ଚନ୍ଦନ ନାଏକ ଗୋଟିଏ

ମୋଟରସାଇକେଲରେ ପଛ ପାର୍ଶ୍ଵରୁ ଆସିଥିଲେ ଏବଂ ଅଭିଯୋଗକାରିଣୀଙ୍କର ଗୋଟିଏ ବ୍ୟାଗରେ ଥିବା ଲ୍ଯାପଟପ, ହାର୍ଡ ଡିସ୍କ, ମୋବାଇଲଫୋନ, ସୁନା କାନଫୁଲ, ୭୦୦୦/- ଟଙ୍କା, ଗୋଟିଏ ସନଗ୍ଳାସ, କିଛି କସମେଟିକ୍ସ ଓ ଅନ୍ୟାନ୍ୟ ଡକୁମେଣ୍ଟ ଛିନତାଇ କରି ନେଇଯାଇଥିଲେ । ଅଭିଯୋଗକାରିଣୀ ଏନେଇ ଖଣ୍ଡଗିରି ଥାନାରେ ଅଭିଯୋଗ କରିଥିଲେ ।
ଅଭିଯୋଗକାରିଣୀଙ୍କର ଏତାଲା ଆଧାରରେ ଖଣ୍ଡଗିରିଥାନା କେସ ନଂ-୨୨୨/୨୦୨୩, ଦଫା-୩୯୨/୩୪ ରେ ଏକ ମାମଲା ରୁଜୁ କରାଯାଇଥିବ ବେଳେ ଥାନାର ତତ୍କାଳୀନ ଏସଆଇ ଶ୍ରୀ ଦେବଦତ୍ତ ସାମନ୍ତରାୟଙ୍କୁ ଏହାର ତଦନ୍ତ ଭାର ଦିଆଯାଇଥିଲା । ଶ୍ରୀ ସାମନ୍ତରାୟଏହି ମାମଲାର ସଠିକ ତଦନ୍ତ କରିବା ସହିତ ଅଭିଯୁକ୍ତ ଚନ୍ଦନ ନାଏକ ଓ ଅଲି ଆଜମ ମଲ୍ଲିକଙ୍କୁଗିରଫ କରିସେମାନଙ୍କ ନିକଟରୁ ଲୁଟ ଜିନିଷ ସବୁକୁ ଜବତ କରିବା ସହିତ ସମ୍ପୃକ୍ତ ଅଭିଯୋଗକାରିଣୀଙ୍କୁ ଜିମା ଦେଇଥିଲେ ।

ଉପରୋକ୍ତ ମାମଲାରବିଚାର କରି ମାନ୍ୟବର ଅଦାଲତ ବିଭିନ୍ନ ସାକ୍ଷୀଙ୍କ ବୟାନ ଓ ପ୍ରଯୁଜ୍ୟ ଦସ୍ତାବିଜକୁ ଆଧାର କରି ଅଭିଯୁକ୍ତ ଅଲି ଆଜମ ମଲ୍ଲିକଙ୍କୁ ୨ ବର୍ଷର ସଶ୍ରମ କାରାଦଣ୍ଡାଦେଶ ସହ ଏକ ହଜାର ଟଙ୍କା ଜୋରିମାନା ଓ ଜୋରିମାନା ଅନାଦେୟ କ୍ଷେତ୍ରରେ ଏକ ମାସ କାରାଦଣ୍ଡାଦେଶଶୁଣାଇଛନ୍ତି । ଏହି ମାମଲାକୁ ସରକାରଙ୍କ ପକ୍ଷରୁସହାୟକ ପବ୍ଲିକ ପ୍ରୋସିକ୍ୟୁଟର ଶ୍ରୀ ନିରଞ୍ଜନ ବେହେରା ପରିଚାଳନା କରିଥିଲେ ।ଏହା ପୂର୍ବରୁ ଅଲି ଆଜମ ଓ ତାଙ୍କର ସହଯୋଗୀ ଚନ୍ଦନ ନାଏକଙ୍କୁ କ୍ୟାପିଟାଲ ଓ ନୟାପଲ୍ଲି ଥାନାରେ ଗୋଟିଏ ଗୋଟିଏ ମାମଲାରେ ସଜା ହୋଇଛି । ସୂଚନା ଯୋଗ୍ୟ ଯେ, ଗତ ବର୍ଷ ସମୁଦାୟ ୮୨ଟି ମାମଲାର ଶୁଣାଣି କରାଯାଇ ଦୋଷୀ ମାନଙ୍କୁ ସଜା ଦିଆଯାଇସାରିଥିବା ବେଳେ ଭୁବନେଶ୍ବର ସହରାଞ୍ଚଳ ଜିଲ୍ଲା ତରଫରୁ ଚଳିତ ବର୍ଷ ଏଯାବତ ୨୧ଟିମାମଲାରଶୁଣାଣି ଶେଷ ହୋଇ ଦୋଷୀଙ୍କୁ ସଜ ହୋଇଛି । ଚଳିତ ବର୍ଷର ଭୁବନେଶ୍ବର ପ୍ରଥମ ଶ୍ରେଣୀୟ-୫ର ବିଚାର ବିଭାଗୀୟ ଅଦାଲତର ଏହା ସପ୍ତମ ଦଣ୍ଡ ଶୁଣାଣି ।