ଡକାୟତି ପାଇଁ ମାରଣାସ୍ତ୍ର ଧରି ଘଟଣା ସ୍ଥଳରେ ଏକତ୍ରିତ ହୋଇଥିବା ବେଳେ ମାଡିବସିଲା ପୋଲିସ

ନିରପେକ୍ଷ(ଭୁବନେଶ୍ୱର): ଚନ୍ଦ୍ରଶେଖରପୁର ଥାନା ପୁଲିସ ଉପରୋକ୍ତ ମାମଲାର ତଦନ୍ତ କରିବା ସହ ବନା ନାୟକ(25),ଶିଶିର ବେହେରା(33),ବିଭୁତି ପ୍ରଧାନ(28),ସୁଧାକର ସ୍ୱାଇଁ(20)ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।

ସୂଚନାଯୋଗ୍ୟ ଯେ, ବିଶ୍ଵସ୍ତ ସୂତ୍ରରୁ ହସ୍ତଗତ ହୋଇଥିବା ସୂଚନାକୁ ଆଧାରକରି ଚନ୍ଦ୍ରଶେଖରପୁର ଥାନାଧିକାରୀଙ୍କ ନିର୍ଦ୍ଧେଶ କ୍ରମେ ସମ୍ପୃକ୍ତ ଥାନାରେ ପୁଲିସ ଟୀମ ଗତ ମଧ୍ୟ ରାତିରେ ଚନ୍ଦ୍ରଶେଖରପୁର ଥାନା ଅନ୍ତର୍ଗତ ରେଲୱେ ଅଡିଟୋରିୟମ ବାମ ପାର୍ଶ୍ଵକୁ ଲାଗି ଏକ ଖୋଲା ପଡିଆରେ ଅତର୍କିତ ଚଢଉ କରିଥିଲେ। ଚଢଉ ସମୟରେ ପୁଲିସ ନିମ୍ନୋକ୍ତ ଅଭିଯୁକ୍ତ ମାନଙ୍କୁ କାବୁ କରିବାରେ ସକ୍ଷମ ହୋଇଥିବା ସ୍ଥଳେ ଜଣେ ଅଭିଯୁକ୍ତ ଅନ୍ଧାରର ସୁଯୋଗ ନେଇ ଘଟଣାସ୍ଥଳରୁ ଖସିଯାଇଥିଲେ।

ଅଭିଯୁକ୍ତଙ୍କର ତଲାସି ବେଳେ ପୁଲିସ ସେମାନଙ୍କ ହେପାଜତରୁ ନିମ୍ନଦତ୍ତ ଅପରାଧରେ ବ୍ୟବହାର୍ଯ୍ୟ ଅସ୍ତ୍ରଶସ୍ତ୍ର ଓ ଅନ୍ୟାନ୍ୟ ଜିନିଷ ମାନ ଜବତ କରିଥିଲେ । ପଚରା ଉଚରା ବେଳେ ଅଭିଯୁକ୍ତମାନେ ସେମାନଙ୍କର ଅପରାଧ ସ୍ଵୀକାର କରିବା ସହ ତାଙ୍କର ଅନ୍ୟ ଜଣେ ସହଯୋଗୀଙ୍କ ସହିତ ସ୍ଥାନୀୟ ଅଞ୍ଚଳରେ ଡକାୟତି ଉଦ୍ୟମ ନିମନ୍ତେ ମାରଣାସ୍ତ୍ର ଧରି ଘଟଣା ସ୍ଥଳରେ ଏକତ୍ରିତ ହୋଇ ଯୋଜନା ପ୍ରସ୍ତୁତ କରୁଥିବା ଦର୍ଶାଇଥିଲେ।

ଅଭିଯୁକ୍ତ ମାନଙ୍କର ପୂର୍ବଚରିତ ଅପରାଧିକ ଯାଞ୍ଚ ବେଳେ ସେମାନେ ଦୁର୍ଦ୍ଧାନ୍ତ ଅପରାଧୀ ଓ ସେମାନଙ୍କ ନାମରେ ଭୁବନେଶ୍ବରର ବିଭିନ୍ନ ଥାନାରେ ୨୫ଟି ଅପରାଧିକ ମାମଲା ରହିଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଥିବା ସ୍ଥଳେ ଅଭିଯୁକ୍ତ ସହଯୋଗୀକୁ ଗିରଫ ପାଇଁ ଚେଷ୍ଠା ଜାରି ରହିଛି।