ଘର ଭଡା ମାଗିବା ସମୟରେ ଗାଳି ଗୁଲଜ କରିବା ସହ ଖଣ୍ଡାରେ ହତ୍ୟା କରିବା ଉଦେଶ୍ୟରେ ଆକ୍ରମଣ

ନିରପେକ୍ଷ(ଭୁବନେଶ୍ୱର): ଶହୀଦନଗର ଥାନା ପୁଲିସ ଅଭିଯୋଗକାରୀ ଧନୁ ବେହେରାଙ୍କର ଅଭିଯୋଗ ଭିତ୍ତିରେ ତଦନ୍ତ କରିବା ସହ ମନୁ ନାୟକ(46) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୋଗକାରୀ ଶହୀଦନଗର ଅନ୍ତର୍ଗତ ଶାନ୍ତିପଲ୍ଲୀ ବସ୍ତିରେ ଗତ ୩ ବର୍ଷ ହେବ ରହିଆସୁଥିବା ବେଳେ ତାଙ୍କ ଘରକୁ ଲାଗି ଗୋଟିଏ ଘରକୁ ନିମ୍ନୋକ୍ତ ଅଭିଯୁକ୍ତଙ୍କୁ ଗତ ୫ମାସ ହେବ ଭଡାରେ ଦେଇଥିଲେ ।

ଅଭିଯୋଗକାରୀ ଘର ଭଡା ମାଗିବା ସମୟରେ ଅଭିଯୁକ୍ତ ଜଣକ ତାଙ୍କୁ ଗାଳି ଗୁଲଜ କରିବା ସହ ଭୟଙ୍କର ପରିଣାମର ଧମକ ଦେଇ ଆସୁଥିଲେ। ଗତ କାଲି ତା ୧୨.୦୩.୨୦୨୪ ରିଖ ଅପରାହ୍ନ ପ୍ରାୟ ୦୩.୦୦ ସମୟରେ ଅଭିଯୁକ୍ତ ମନୁ ଘର ଭଡା ଦେବାକୁ କହି ଅଭିଯୋଗକାରୀଙ୍କୁ ଡ଼ାକିଥିଲେ ଏବଂ ଗୋଟିଏ ଖଣ୍ଡାରେ ହତ୍ୟା କରିବା ଉଦେଶ୍ୟରେ ତାଙ୍କୁ ଆକ୍ରମଣ କରିଥିଲେ । ଶହୀଦ ନଗର ପୁଲିସ ମାମଲାର ତଦନ୍ତ କରିବା ସହ ଆଜି ଅଭିଯୁକ୍ତ ମନୁକୁ କାବୁ କରିଥିଲେ ଓ ତାଙ୍କ ହେପାଜତରୁ ଗୋଟିଏ ଖଣ୍ଡା ଜବତ କରି ଥାନାକୁ ଆଣିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।