ନିର୍ମାଣଧୀନ ସ୍ଥାନରୁ କିଛି ମୂଲ୍ୟବାନ କାଷ୍ଟ ଲୁହା ପାଇପ୍କୁ ଚୋରୀ,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର) : ଏୟାରପୋର୍ଟ ଥାନା ପୁଲିସ ଅଭିଯୋଗକାରୀ ଶ୍ରୀ ଶୁଭେନ୍ଦୁ ମୁଦୁଲିଙ୍କ ଅଭିଯୋଗ ଆଧାରରେ ତଦନ୍ତ କରିବା ସହ ମାନସ ନାୟକ(27),ମକରଧ୍ୱଜ ଦାସ(23),ଜୟନ୍ତ ହଂସ(26) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ, ଅଭିଯୋଗକାରୀ ଆସୋଟେକ ଗ୍ରୁପ୍ କୋମ୍ପାନିରେ ଆସିଷ୍ଟାଣ୍ଟ ମ୍ୟାନେଜର ଭାବରେ କାର୍ଯ୍ୟ କରନ୍ତି । ଉକ୍ତ କମ୍ପାନୀ ଦ୍ବାରା ଏୟାରପୋର୍ଟ ଥାନା ଅନ୍ତର୍ଗତ ଭୀମପୁର ମୌଜାରେ ଗୋଟିଏ ରେସିଡେନ୍ସିଆଲ୍ କମ୍ପ୍ଲେକ୍ସର ନିର୍ମାଣ କାର୍ଯ୍ୟ ଚାଲୁଥିବା ବେଳେ ବୈଷୟିକ ଏବଂ ଆଇନ୍ ସମ୍ବନ୍ଧୀୟ ସମସ୍ଯା ହେତୁ ଗତ ୩ ବର୍ଷରୁ ଅଧିକ ସମୟ ହେବ ସେଠାରେ କାର୍ଯ୍ୟ ବନ୍ଦ ରହଛି।

ଏନେଇ ଉକ୍ତ କମ୍ପାନୀ ସେଠାରେ ଦ୍ବାରା ତଦାରଖ ଦାଇତ୍ୱରେ କିଛି ସୁରକ୍ଷାକର୍ମୀଙ୍କୁ ନିଯୋଜିତ କରାଯାଇଥିଲା। ଗତ କାଲି ତା ୧୦.୦୩.୨୦୨୪ ରିଖରେ ନିମ୍ନୋକ୍ତ ଅଭିଯୁକ୍ତ ସୁରକ୍ଷାକର୍ମୀ ମାନେ ସେମାନଙ୍କ ପୂର୍ବରୁ ସେଠାରେ ନିଯୋଜିତ ହୋଇଥିବା କିଛି ସୁରକ୍ଷାକର୍ମୀଙ୍କ ସହିତ ମିଶି ଉକ୍ତ ନିର୍ମାଣଧୀନ ସ୍ଥାନରୁ କିଛି ମୂଲ୍ୟବାନ କାଷ୍ଟ ଲୁହା ପାଇପ୍କୁ ଚୋରୀ କରିଥିଲେ ଏବଂ ରାସ୍ତାରେ ଯାଉଥିବା ଗୋଟିଏ ଟାଟା ଏସିଇ ଗାଡିକୁ ଅଟକାଇ ସେଥିରେ ବୋହି ନେଇ ଯିବାକୁ ଚେଷ୍ଟା କରିଥିଲେ । ସେହି ସମୟରେ ଉକ୍ତ କମ୍ପାନୀର କିଛି କର୍ମଚାରୀ ମାନେ ନିମ୍ନୋକ୍ତ ଅଭିଯୁକ୍ତ ମାନଙ୍କୁ ଦେଖିନେଇଥିଲେ ଏବଂ ନିମ୍ନୋକ୍ତ ଅଭିଯୁକ୍ତ ମାନଙ୍କୁ କାବୁ କରିନେଇଥିବା ବେଳେ ଅନ୍ୟ ଅଭିଯୁକ୍ତ ମାନେ ଘଟଣାସ୍ଥଳରୁ କୌଶଳକ୍ରମେ ଖସି ପଳାଇବାରେ ସକ୍ଷମ ହୋଇଥିଲେ। ଅଭିଯୋଗକାରୀ ଘଟଣା ବିଷୟରେ ଜାଣିବା ପରେ ଏନେଇ ଏୟାରପୋର୍ଟ ଥାନାରେ ଲିଖତ ଅଭିଯୋଗ କରିଥିଲେ ।

ପୁଲିସ ତଦନ୍ତ କରିବା ସହ ଅଭିଯୁକ୍ତଙ୍କ ହେପାଜତରୁ ୭ଟି କାଷ୍ଟ ଲୁହା ପାଇପ୍ ଜବତ କରିଥିଲେ । ପଚରା ଉଚରା ବେଳେ ଅଭିଯୁକ୍ତ ମାନେ ସେମାନଙ୍କର ଅପରାଧ ସ୍ଵୀକାର କରିଥିଲେ । ଅଭିଯୁକ୍ତ ମାନେ ଏହି ଘଟଣା ପୂର୍ବରୁ ଫେରାର ହୋଇଯାଇଥିବା ଅଭିଯୁକ୍ତଙ୍କ ସହିତ ମିଶି ଗତ ତା ୦୧.୦୩.୨୦୨୪ ରୁ ୦୬.୦୩.୨୦୨୪ ରିଖ ମଧ୍ୟରେ କିଛି ଲୁହା ପାଇପ୍ ଚୋରୀ କରି ସ୍ଥାନୀୟ କାବାଡି ବାଲା କୁ ବିକ୍ରି କରିଥିଲେ ଓ ପାଇଥିବା ଟଙ୍କା କୁ ସେମାନଙ୍କ ମଧ୍ୟରେ ସମାନ ଭାବରେ ବାଣ୍ଟିଥିବା ଦର୍ଶାଇଥିଲେ। ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।