ନିରପେକ୍ଷ(ମୟୁରଭଞ୍ଜ) :ଗୋ ମାଫିଆଙ୍କ ଦୁରାତ୍ମ ଦିନକୁ ଦିନ ବଢି ଚାଲିଥିବା ବେଳେ ମୟୂରଭଞ୍ଜ ଜିଲ୍ଲାରୁ ବହୁ ସମୟରେ ଗୋବୋଝେଇ ଟ୍ରକ, ଗୋ ମାଂସ ବୋଝେଇ ଟ୍ରକ୍ ଧରା ହେବାର ନଜର ରହିଛି। ହେଲେ ଗତ କାଲି ମୟୂରଭଞ୍ଜ ଜିଲ୍ଲାର ବିମନଘାଟି ଉପଖଣ୍ଡ ବହଳଦା ପୋଲିସ ଗୋଟିଏ OD04K6941 ନମ୍ବର ବିଶିଷ୍ଟ ଏକ ୧୨ଚକିଆ ଗାଇ ଚମଡ଼ା ବୋଝେଇ ଟ୍ରକକୁ ଜବତ କରିଛି। ସୂଚନା ମୁତାବକ ଗତକାଲି ରବିବାର ରାତିରେ ବହଳଦା ପୋଲିସ ପେଟ୍ରୋଲିଙ୍ଗ କରୁଥିବା ସମୟରେ ରିତି ପାଖାପାଖି ତିନି ଘଟିକା ସମୟରେ ଟ୍ରୋକ୍ ରେ ବେଆଇନ ଜିନିଷ ଯାଉଥିବା ନେଇ ବିଶେଷ ଶୁତ୍ରରୃ ଖବର ପାଇଥିଲେ।
ଗାଡ଼ିକୁ ପିଛା କରି ଅଟକାଇ ଯାଞ୍ଚ କଲାପରେ ସେଥିରେ ଗାଇ ଚମଡ଼ା ଥିବା ଦେଖିବାକୁ ପାଇଥିଲେ। ଫଳରେ ଗାଡିଟିକୁ ଅଟକାଇ ଥାନାକୁ ଆଣି ପଚରାଉଚରା ପରେ ଗାଇ ଚମଡ଼ା ଗୁଡ଼ିକ ବଡଦୂନ୍ଦୁ ଅଞ୍ଚଳର ପଶ୍ଚିମବଙ୍ଗ ଯାଉଥିବା କହିଥିଲେ ଡ୍ରାଇଭର। ଡ୍ରାଇଭର ନିକଟରୁ ଥିବା ଏକ ନକଲି ଚାଲାଣ ମଧ୍ୟ ଜବତ କରିଥିବା ଜଣାପଡିଛି ଯାହାର ଲିଙ୍କ ଚଣ୍ଡିଖୋଲରୁ ରହିଛି ବୋଲି ଜଣାପଡିଛି। ଗାଡ଼ି ଡ୍ରାଇଭର ସହିତ ଅନ୍ୟ ଦୁଇଜଣଙ୍କୁ ପୋଲିସ ଗିରଫ କରିଥିବା ଜଣାପଡିଛି। ଗିରଫ ବ୍ୟକ୍ତିମାନେ ହେଉଛନ୍ତି ଭଦ୍ରକ ଜିଲ୍ଲା ପୁରୁଣାବଜାର ଥାନା ଅନ୍ତର୍ଗତ ସାନଶଙ୍କରପୁର ଅଞ୍ଚଳର SKMurad(30),SK Sakil(32), ସହିତ ଦରଜିପତି ଅଞ୍ଚଳର ରମଜାନ୍ ଖାନ୍ (22) ବୋଲି ଜଣାପଡିଛି।
