ହତ୍ୟା କରିବା ଉଦେଶ୍ୟରେ ଛୁରୀ ଓ ସ୍କ୍ରୁ ଡ଼ାଇଭର ଦେଖାଇ ଧମକ ସହ ଗଳା କୁ ଆକ୍ରମଣ

ନିରପେକ୍ଷ(ଭୁବନେଶ୍ୱର) : ଶହୀଦନଗର ଥାନା ପୁଲିସ ଅଭିଯୋଗକାରିଣୀଙ୍କର ଅଭିଯୋଗ ଭିତ୍ତିରେ ତଦନ୍ତ କରିବା ସହପପୁ@ବସନ୍ତ ବେହେରା(32)ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଗତ ୧୦ ବର୍ଷ ପୂର୍ବେ ଅଭିଯୋଗକାରିଣୀ ନିମ୍ନୋକ୍ତ ଅଭିଯୁକ୍ତଙ୍କୁ ବିବାହ କରିଥିଲେ ଏବଂ ସେମାନେ ତାଙ୍କର ୨ ପୁଅଙ୍କ ସହିତ ବାୟାବାବା ମଠ ବସ୍ତିରେ ରହିଆସୁଥିଲେ । ଅଭିଯୁକ୍ତ ଜଣକ ନିୟମିତ ଭାବେ ଅଭିଯୋଗକାରିଣୀଙ୍କୁ ନିର୍ଯ୍ୟାତନା ଦେବା ସହ ହତ୍ୟା କରିବା ଉଦେଶ୍ୟରେ ଛୁରୀ ଓ ସ୍କ୍ରୁ ଡ଼ାଇଭର ଦେଖାଇ ଧମକ ଦେଇଆସୁଥିଲେ ।

ଗତ କାଲି ତା ୦୬.୦୩.୨୦୨୪ ରିଖ ସକାଳ ସମୟରେ ପରିବାର ସଦସ୍ୟଙ୍କ ଅନୁପସ୍ଥିତିରେ ଅଭିଯୁକ୍ତ ପପୁ ତାଙ୍କ ସ୍ତ୍ରୀଙ୍କୁ ଗାଳି ଗୁଲଜ କରିବା ସହ ହତ୍ୟା କରିବା ଉଦେଶ୍ୟରେ ତାଙ୍କର ଗଳା କୁ ଜୋରରେ ଚିପି ଧରିଥିଲେ । ଅଭିଯୋଗକାରିଣୀ କୌଶଳକ୍ରମେ ତାଙ୍କ ସ୍ବାମୀଙ୍କ କବଳରୁ ଖସିଆସି ନିଜର ଜୀବନ ବଞ୍ଚାଇଥିଲେ । ଏନେଇ ଶହୀଦନଗର ଥାନାରେ ଲିଖିତ ଅଭିଯୋଗ ହେବା ପରେ ପୁଲିସ ତଦନ୍ତ କରି ଅଭିଯୁକ୍ତ ସ୍ବାମୀକୁ ଗିରଫ କରି ଥାନାକୁ ଆଣିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।