ପାନ ଦେବାକୁ ମନା କରିବାରୁ ଧାରୁଆ ଛୁରୀରେ ବେକକୁ ଆକ୍ରମଣ

ନିରପେକ୍ଷ(ଭୁବନେଶ୍ୱର) : ଶହୀଦନଗର ଥାନା ପୁଲିସ ଅଭିଯୋଗକାରୀ ଦୀପକ କୁମାର ପରିଡାଙ୍କର ଅଭିଯୋଗ ଭିତ୍ତିରେ ତଦନ୍ତ କରିବା ସହ ଉଦୟନାଥ ସୁତାର(51)ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଉଭୟେ ଅଭିଯୋଗକର ଓ ନିମ୍ନୋକ୍ତ ଅଭିଯୁକ୍ତ ମଞ୍ଚେଶ୍ଵର ଥାନା ଅନ୍ତର୍ଗତ ରଙ୍ଗମାଟିଆ ତଳସାହିରେ ରୁହନ୍ତି ଏବଂ ସେମାନଙ୍କ ମଧ୍ୟରେ ପୂର୍ବରୁ ଶତ୍ରୁତା ରହିଥିଲା। ଅଭିଯୁକ୍ତଙ୍କର ଭିଏସ୍ଏସ୍ ନଗରରେ ଗୋଟିଏ ପାନ ଦୋକାନ ଅଛି ।

ଗତ ତା ୦୫.୦୩.୨୦୨୪ ରିଖ ସନ୍ଧ୍ୟା ୮:୩୦ରେ ଅଭିଯୋଗକାରି ଭିଏସ୍ଏସ୍ ନଗର କୁ ମାର୍କେଟିଂ ପାଇଁ ଯାଇଥିଲେ। ସେହି ସମୟରେ ସେ ଅଭିଯୁକ୍ତଙ୍କର ଦୋକାନ ନିକଟକୁ ଯାଇ ପାନ ମାଗିଥିଲେ । ଅଭିଯୁକ୍ତ ଜଣକ ତାଙ୍କୁ ପାନ ଦେବା ପରିବର୍ତ୍ତେ କିଛି ସମୟ ଅପେକ୍ଷା କରିବାକୁ କହିଥିଲେ। ଏହା ପରେ ଅଭିଯୋଗକାରୀ ପୁନର୍ବାର ଅଭିଯୁକ୍ତଙ୍କୁ ପାନ ଦେବାକୁ କହିବାରୁ ସେ ସମ୍ପୂର୍ଣ୍ଣ ଭାବରେ ମନା କରିଦେଇଥିଲେ।

ଏହି ଘଟଣାକୁ କେନ୍ଦ୍ର କରି ଉଭୟଙ୍କ ମଧ୍ୟରେ ହଟ୍ଟଗୋଲ ହୋଇଥିଲା । ଏଥିରେ ଅଭିଯୁକ୍ତ ଜଣକ ଉତ୍ୟକ୍ତ ହୋଇ ହତ୍ୟା କରିବା ଉଦେଶ୍ୟ ରଖି ଗୋଟିଏ ଧାରୁଆ ଛୁରୀରେ ଅଭିଯୋଗକାରୀଙ୍କ ବକକୁ ଲକ୍ଷ କରି ଆକ୍ରମଣ କରିଥିଲେ । ଛୁରୀଟି ଅଭିଯୋଗକାରୀଙ୍କର ମୁହଁର ବାଜି ରକ୍ତସ୍ରାବ ହୋଇଥିଲା। ଏନେଇ ଶହୀଦ ନଗର ଥାନାରେ ମାମଲା ରୁଜୁ ହେବା ପରେ ପୁଲିସ ତଦନ୍ତ କରି ଅଭିଯୁକ୍ତଙ୍କୁ ଗିରଫ କରିଥିଲେ ଓ ତାଙ୍କ ହେପାଜତରୁ ଅପରାଧରେ ବ୍ଯବହୃତ ଛୁରୀ ଜବତ କରିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ। ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।