Home Crime କାର ଚୋରି ସହିତ ଇଟା ସାହାଯ୍ୟରେ ତାଙ୍କୁ ମରଣାନ୍ତକ ଆକ୍ରମଣ

କାର ଚୋରି ସହିତ ଇଟା ସାହାଯ୍ୟରେ ତାଙ୍କୁ ମରଣାନ୍ତକ ଆକ୍ରମଣ

by Admin
0 comment

ନିରପେକ୍ଷ(ଭୁବନେଶ୍ୱର) : ଚନ୍ଦ୍ରଶେଖରପୁର ଥାନା ପୁଲିସ ଅଭିଯୋଗକାରୀ ଶ୍ରୀ ପ୍ରିୟବ୍ରତ ମହାପାତ୍ରଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ସିଦ୍ଧାର୍ଥ କୁମାର ସାହୁ(25),ଅଭୟ ବେହେରା(24) ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୋଗକାରୀ ଜଣକ ଗତ କାଲି ରାତିରେ ନିଜ କାର ନେଇ ଲୁମ୍ବିନୀ ବିହାର ଅଞ୍ଚଳକୁ ଯାଇଥିବା ବେଳେ ନିମ୍ନୋକ୍ତ ଦୁଇ ଅଭିଯୁକ୍ତ ତାଙ୍କର ପିଛା କରିବା ସହିତ ରାସ୍ତାରେ ତାଙ୍କୁ ଜୋରଜବରଦସ୍ତ ଅଟକାଇଥିଲେ । ଅଭିଯୋଗକାରୀ ଜଣକ କାରର ଡୋର ଖୋଲିବା କ୍ଷଣି ଉଭୟ ଅଭିଯୁକ୍ତ ତାଙ୍କୁ ହଠାତ ଆକ୍ରମଣ କରିବା ଲାଗି ପ୍ରୟାସ କରିବା ସମୟରେ ସେ ସେଠାରୁ କାର ନେଇ ପଳାଇ ଯାଇଥିଲେ ।

ଏହି ସମୟରେ ଉଭୟ ଅଭିଯୁକ୍ତ ତାଙ୍କ କାରକୁ ପୁନର୍ବାର ପିଛା କରି ନୀଳାଦ୍ରିବିହାର ଅନ୍ତର୍ଗତ ଏଟିଏମ ଛକ ନିକଟରେ ଅଟକାଇବା ସହିତ ପାଖରେ ପଡିଥିବା ଇଟା ସାହାଯ୍ୟରେ ତାଙ୍କୁ ମରଣାନ୍ତକ ଆକ୍ରମଣ କରିଥିଲେ । ଏହି ଆକ୍ରମଣରେ ଅଭିଯୋଗକାରୀଙ୍କ କାନ୍ଧରେ ଗୁରୁତର ଆଘାତ ଲାଗିଥିବା ବେଳେ ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ହସ୍ପିଟାଲ୍କୁ ସ୍ଥାନାନ୍ତର କରିଥିଲେ ।

ଏନେଇ ମାମଲା ରୁଜୁ ହେବା ପରେ, ପୁଲିସ ତଦନ୍ତ ଆରମ୍ଭ କରିଥିଲେ। ଉଭୟ ଅଭିଯୁକ୍ତ ଏକ ଘରୋଇ ହସ୍ପିଟାଲରେ ଆମ୍ବୁଲାନ୍ସ ଡ୍ରାଇଭର ଭାବେ କାର୍ଯ୍ୟ କରୁଥିବାର ଏକ ବିଶ୍ଵସ୍ତ ସୂତ୍ରରୁ ସୂଚନା ପାଇବା ପରେ ପୁଲିସ ଉଭୟଙ୍କୁ କାବୁ କରିଥିଲେ ଓ ସେମାନଙ୍କ ଠାରୁ ଅପରାଧରେ ବ୍ୟବହୃତ ମୋଟରସାଇକେଲକୁ ଜବତ କରିଥିଲେ । ପଚରା ଉଚରା ବେଳେ ଉଭୟ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ। ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।

You may also like

Latest News

Our Company

The fastest growing digital media company in Odisha is Nirapekshya News, which satisfies the growing demand from people who are constantly on the move for the most recent news from Odisha as well as vital domestic and worldwide information.

@2022 – All Right Reserved. Designed and Developed by Digital Software Inc