ଚୋରୀ ମୋବାଇଲ ଫୋନ ବିକ୍ରି ପାଇଁ ଗ୍ରାହକ ଅପେକ୍ଷାରେ ଥିବ ସମୟରେ କାବୁ କଲା ପୋଲିସ

ନିରପେକ୍ଷ(ଭୁବନେଶ୍ୱର) : ଲକ୍ଷ୍ମୀସାଗର ଥାନା ପୁଲିସ ଅଭିଯୋଗକାରୀ ସନ୍ତୋଷ କୁମାର ବେହେରାଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ପ୍ରଦୋଷ ଚନ୍ଦ୍ର ପଟ୍ଟନାୟକ(28),ଜିତେନ୍ଦ୍ର କୁମାର ରଥ(40) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନା ଯୋଗ୍ୟ ଯେ, ଅଭିଯୋଗକାରୀଙ୍କର ଲକ୍ଷ୍ମୀସାଗର ଜଗନ୍ନାଥ ନଗରରେ ଗୋଟିଏ ନିର୍ମାଣଧୀନ ଘର ଅଛି ଯେଉଁଠାରେ କିଛି ଶ୍ରମିକ ରହିବା ସହ କାର୍ଯ୍ୟ କରନ୍ତି ।

ଗତ ତା ୦୫.୦୩.୨୦୨୪ ରିଖ ପୂର୍ବାହ୍ନ ୧୦.୩୦ ରେ ଜଣେ ଶ୍ରମିକ ତାଙ୍କର ମୋବାଇଲ ଫୋନ ଘଟଣାସ୍ଥଳରୁ ପାଇନଥିବାରୁ ଚୋରୀ ହୋଇଥିବା ସନ୍ଦେହ କରି ଘର ମାଲିକଙ୍କୁ ଜଣାଇଥିଲେ। ଏନେଇ ଲକ୍ଷ୍ମୀସାଗର ଥାନା ପୁଲିସ ମାମଲାର ତଦନ୍ତ କରିବା ସହ ବିଶେଷ ସୂତ୍ରରୁ ଖବର ପାଇ ନିମ୍ନୋକ୍ତ ଅଭିଯୁକ୍ତଙ୍କୁ ବୁଦ୍ଧେଶ୍ଵରୀ ମନ୍ଦିର ନିକଟରୁ ଚୋରୀ ମୋବାଇଲ ଫୋନ ବିକ୍ରି ପାଇଁ ଗ୍ରାହକ ଅପେକ୍ଷାରେ ଥିବ ସମୟରେ କାବୁ କରି ନେଇଥିଲେ ।

ପଚରା ଉଚରା ବେଳେ ଅଭିଯୁକ୍ତ ଦୁହେଁ ସେମାନଙ୍କର ଅପରାଧ ସ୍ଵୀକାର କରିଥିଲେ। ପୁଲିସ ଅଭିଯୁକ୍ତଙ୍କର ହେପାଜତରୁ ମୋବାଇଲ ଫୋନ ଜବତ କରିବା ପରେ ସେମାନଙ୍କୁ ଅଧିକ ତଦନ୍ତ ପାଇଁ ଥାନାକୁ ଆଣିଥିଲେ ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।