୧୬ ଗ୍ରାମ ଓଜନର ସୁନା ଚେନ କୌଶଳ କ୍ରମେ ଚୋରି,ଅଭିଯୁକ୍ତ ମହିଳା ଗିରଫ

ନିରପେକ୍ଷ(ଭୁବନେଶ୍ୱର): ଖାରବେଳନଗର ଥାନା ପୁଲିସ ଅଭିଯୋଗକାରିଣୀଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ନିମ୍ନୋକ୍ତ ପାଞ୍ଚଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।
ସୂଚନା ଯୋଗ୍ୟ ଯେ, ଗତ ତା.୦୩.୦୩.୨୦୨୪ ରିଖ ସନ୍ଧ୍ୟାରେ ୟୁନିଟ୍-୩ ଅନ୍ତର୍ଗତ ସତଶିକ୍ଷା ମନ୍ଦିର ପରିସରରେ ଥିବା ନିଗମାନନ୍ଦ ଆଶ୍ରମରେ ସତସଙ୍ଗ କାର୍ଯ୍ୟକ୍ରମ ଚାଲିଥିବା ବେଳେ ସେଠାରେ ପ୍ରବଳ ଜନସମାଗମ ହୋଇଥିଲା । ଏହି ଜନସାମଗମର ସୁଯୋଗ ନେଇ କେହି ଜଣେ ଅଭିଯୁକ୍ତ ଅଭିଯୋଗକାରିଣୀଙ୍କ ବେକରୁ ଏକ ୧୬ ଗ୍ରାମ ଓଜନର ସୁନା ଚେନ କୌଶଳ କ୍ରମେ ଚୋରିକରି ନେଇଥିଲେ । ବେକରୁ ସୁନା ଚେନ ଚୋରୀ ହେବା ଜାଣିପାରି ସେ ପଛକୁ ବୁଲି ଦେଖିବା ବେଳକୁ ଜଣେ ମହିଳା ଅଭିଯୁକ୍ତ ସେଠାରୁ ଖସି ପଳାଇ ଯାଉଥିବା ବେଳେ ଅନ୍ୟ ତିନିଚାରିଜଣ ମହିଳା ତାଙ୍କୁ ଅନୁସରଣ କରୁଥିଲେ ।

ଅଭିଯୋଗକାରିଣୀ ଏବଂ ତାଙ୍କ ସ୍ବାମୀ ଅଭିଯୁକ୍ତ ମହିଳା ମାନଙ୍କର ପିଛା କରିଥିଲେ ମଧ୍ୟ ସେମାନଙ୍କୁ ଧରି ପାରିନଥିଲେ । ପରେ ଅଭିଯୋଗକାରିଣୀ ଏନେଇ ଖାରବେଳନଗର ଥାନାରେ ଏକ ଲିଖିତ ଅଭିଯୋଗ କରିଥିଲେ ।
ଘଟଣାର ତଦନ୍ତ କାଳରେ ଆଜି ସକାଳେ ଅଭିଯୋଗକାରିଣୀଙ୍କ ନିକଟରୁ ସୂଚନା ପାଇ ପୁଲିସ ରାମମନ୍ଦିର ଛକ ନିକଟରେ ଚଢଉ କରିବା ସହିତ ନିମ୍ନୋକ୍ତ ଅଭିଯୁକ୍ତ ମାନଙ୍କୁ କାବୁକରିବାରେ ସକ୍ଷମ ହୋଇଥିବା ବେଳେ ଏକ ସୁନା ଚେନ ଖଣ୍ଡକୁ ଉଦ୍ଧାର କରିଥିଲେ । ପଚରାଉଚରା ବେଳେ ଅଭିଯୁକ୍ତ ମାନେ, ଏହି ଚୋରୀରେ ସାମିଲ ଥିବା କଥା ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।