ମହା ଶିବରାତ୍ରି (ଜାଗର) ଉପଲକ୍ଷେ ପ୍ରସ୍ତୁତି ବୈଠକ

ନିରପେକ୍ଷ(ଭୁବନେଶ୍ୱର): ଆସନ୍ତା ୦୮.୦୩.୨୦୨୪ ରିଖରେ ମହାଶିବରାତ୍ରି ଉପଲକ୍ଷେ ଶ୍ରୀ ଲିଙ୍ଗରାଜ ମନ୍ଦିରରେ ହେବାକୁ ଥିବା ଜନସମାଗମ କୁ ଦୃଷ୍ଠିରେ ରଖି ଆଇନ ଶୃଙ୍ଖଳା ବ୍ୟବସ୍ଥାକୁ ତ୍ଵରାନ୍ଵିତ କରିବା ନିମନ୍ତେ ଆଜି କେଦାର ଗୌରି ମନ୍ଦିର ନିକଟସ୍ଥ ମା କଲ୍ୟାଣ ମଣ୍ଡପରେ ଏକ ପ୍ରାକ ପ୍ରସ୍ତୁତିମୂଳକ ବୈଠକ ଅନୁଷ୍ଠିତ ହୋଇ ଯାଇଛି।

ଏଥିରେ ଭୁବନେଶ୍ବର-କଟକ ପୁଲିସ କମିଶନର ଶ୍ରୀ ସଞ୍ଜୀବ ପଣ୍ଡା ସଭାକୁ ଅଧ୍ୟକ୍ଷତା କରିଥିବା ବେଳେ ଭୁବନେଶ୍ବର ଡିସିପି ଶ୍ରୀ ପ୍ରତୀକ ସିଂହ, ଆଇପିଏସ ସଭାରମ୍ଭ କରି ବୈଠକର ଆଭିମୁଖ୍ୟ ବିଷୟରେ ସମସ୍ତଙ୍କୁ ଅବଗତ କରାଇଥିଲେ ।

ଏହି ବୈଠକରେ ଅନ୍ୟ ମୁଖ୍ୟ ଅତିଥି ମାନଙ୍କ ମଧ୍ୟରେ ଭୁବନେଶ୍ବର ଅତିରିକ୍ତ ଜିଲ୍ଲାପାଳ ଶ୍ରୀ ରୁଦ୍ର ନାରାୟଣ ମହାନ୍ତି, ଜଟଣୀ ବିଧାୟକ ଶ୍ରୀ ସୁର ରାଉତରାୟ, ପୂର୍ବତନ ବିଜେପି ସଭାପତି ଶ୍ରୀ ସମୀର ମହାନ୍ତି, ଶ୍ରୀ ଲିଙ୍ଗରାଜ ମନ୍ଦିରର କାର୍ଯ୍ୟନିର୍ବାହୀ ଅଧିକାରୀ, ମନ୍ଦିରର ପୂଜକ ଓ କର୍ମକର୍ତ୍ତା, ତଥା ଅନ୍ୟାନ୍ୟ ବିଭାଗ ଗୁଡିକର କର୍ମକର୍ତା ମାନେ ଏହି ସଭାରେ ଯୋଗ ଦେବା ସହିତ ସଭାକୁ ସାଫଲ୍ୟ ମଣ୍ଡିତ କରିଥିଲେ ।

ଏହି ବୈଠକର ମୁଖ୍ୟ ଉଦେଶ୍ୟ ଥିଲା, ରାଜ୍ୟ ତଥା ରାଜ୍ୟ ବାହାରୁ ବିପୁଳ ସଂଖ୍ୟାରେ ଆସିବାକୁ ଥିବା ଶ୍ରଦ୍ଧାଳୁ ମାନେ କିପରି ଶାନ୍ତି ଶୃଙ୍ଖଳାର ସହିତ ଶ୍ରୀ ଲିଙ୍ଗରାଜ ପ୍ରଭୁଙ୍କୁ ଦର୍ଶନ କରିବା ସହିତ ସୁରକ୍ଷିତ ଭାବରେ ମହାଶିବ ରାତ୍ରି ପାଳନ କରିବେ, ସେହିସବୁ ଦିଗରେ ବିସ୍ତୃତ ଆଲୋଚନା କରାଯାଇଥିଲା ।

ତତସହିତ ଶ୍ରଦ୍ଧାଳୁ ତଥା ଅନ୍ୟାନ୍ୟ ସାଧାରଣ ଲୋକମାନଙ୍କର ଯାତାୟତରେ କିପରି ସମସ୍ଯା ନ ଉପୁଜିବ ସେଥିପ୍ରତି ମଧ୍ୟ ଟ୍ରାଫିକ ବ୍ୟବସ୍ଥା ଉପରେ ଗୁରୁତ୍ବ ଦିଆ ଯାଇଥିଲା ।