ମୋବାଇଲ ଫୋନ ଛିନତାଇ ,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର): ବଡ଼ଗଡ ଥାନା ପୁଲିସ ଅଭିଯୋଗକାରୀ ଶ୍ରୀ ଦିପ୍ତିରଞ୍ଜନ ନାୟକଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ଗଙ୍ଗାଧର ପ୍ରଧାନ@ବାପି(35),ସୋନୁ ଖାନ@ମୁନା(25)ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନା ଯୋଗ୍ୟ ଯେ, ଗତ ତା.୦୪.୦୩.୨୦୨୪ ରିଖ ମଧ୍ୟାହ୍ନରେ ଅଭିଯୋଗକାରୀ ଜଣକ ଫୋନରେ କଥା ହୋଇ ସାଇମନ୍ଦିର ଛକ ଅଭିମୁଖେ ଆସୁଥିବା ବେଳେ, ଶ୍ରୀ ଜଗନ୍ନାଥ ଆଶ୍ରମ ନିକଟରେ ନିମ୍ନୋକ୍ତ ଦୁଇ ଅଭିଯୁକ୍ତ ପଛ ପାଖରୁ ଆସି ତାଙ୍କ ମୋବାଇଲ ଫୋନକୁ ବଳ ପୂର୍ବକ ଛଡାଇ ନେଇ ବ୍ରିଟ୍ କଲୋନୀ ରାସ୍ତା ଅଭିମୁଖେ ଦୌଡି ପଳାଇ ଯାଇଥିଲେ । ଅଭିଯୋଗକାରୀ ଜଣକ ଉଭୟ ଅଭିଯୁକ୍ତଙ୍କର ପିଛା କରିଥିଲେ ମଧ୍ୟ ସେମାନଙ୍କୁ କାବୁ କରିବାରେ ସକ୍ଷମ ହୋଇପାରି ନଥିଲେ ।

ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲାର ତଦନ୍ତ କରିବା ସମୟରେ ଏକ ବିଶ୍ଵସ୍ତ ସୂତ୍ରରୁ ସୂଚନା ପାଇ ଟଙ୍କପାଣି ରାସ୍ତାରେ ଥିବା ଭୁବନେଶ୍ବର ଗ୍ରାଣ୍ଡ ମ୍ୟାରେଜ ହଲ ନିକଟରେ ଚଢଉ କରିବା ସହିତ ନିମ୍ନୋକ୍ତ ଦୁଇ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ ।

ଛାନଭିନ ସମୟରେ ପୁଲିସ ଉଭୟ ଅଭିଯୁକ୍ତଙ୍କ ନିକଟରୁ ଦୁଇଟି ଲୁଟ ମୋବାଇଲ ଫୋନକୁ ଜବତ କରିଥିଲେ । ଘଟଣା ଦିନ ମଧ୍ୟାହ୍ନରେ ଶ୍ରୀ ଜଗନ୍ନାଥ ଆଶ୍ରମ ନିକଟରୁ ଅଭିଯୋଗକାରୀଙ୍କ ମୋବାଇଲ ଫୋନ ଜୋରଜବରଦସ୍ତ ଲୁଟି ନେଇଥିବା କଥା, ଉଭୟ ଅଭିଯୁକ୍ତ ତଦନ୍ତ ସମୟରେ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।