ମୋଟର ସାଇକେଲ ଚୋରି ,ଅଭିଯୁକ୍ତ ଗିରଫ

ଭୁବନେଶ୍ୱର(ନିରପେକ୍ଷ) : ଲକ୍ଷ୍ମୀସାଗର ଥାନା ପୁଲିସ ଅଭିଯୋଗକାରୀ ଶ୍ରୀ ଜବାହାର ମଣ୍ଡଳଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ନିରଞ୍ଜନ ଶତପଥୀ@ବଣ୍ଟି(20) ,ଗୁଣବିଶ୍ୱାଳ@ଗୁଣ(20),ବିକି ସାହା@ବିକି (25) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ,ଗତ ତା ୨୩.୦୨.୨୦୨୪ ରିଖ ବିଳମ୍ବିତ ରାତିରେ ନିମ୍ନୋକ୍ତ ଅଭିଯୁକ୍ତ ମାନେ ପୂର୍ବ ଯୋଜନା ମୁତବକ ଅଭିଯୋଗକାରୀଙ୍କର ମୋଟରସାଇକେଲଟିକୁ ପାର୍କିଂ ହୋଇରହିଥିବା ସ୍ଥାନରୁ ଚୋରୀ କରି ନେଇଯାଇଥିଲେ ।

ଏନେଇ ଲକ୍ଷ୍ମୀସାଗର ଥାନାରେ ଅଭିଯୋଗ ହେବା ପରେ ପୁଲିସ ତଦନ୍ତ କରି ଆଜି ବିଶେଷ ସୂତ୍ରରୁ ଖବର ପାଇ ଚଢଉ ଜରିଆରେ ନିମ୍ନୋକ୍ତ ଅଭିଯୁକ୍ତ ମାନଙ୍କୁ ଗିରଫ କରିବା ସହ ସେମାନଙ୍କର ହେପାଜତରୁ ୩ଟିଚୋରୀ ମୋଟରସାଇକେଲ ଜବତ କରିଥିଲେ। ପଚରା ଉଚରା ବେଳେ ଅଭିଯୁକ୍ତମାନେ ସେମାନଙ୍କର ଅପରାଧ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।