ହତ୍ୟା କରିବା ଉଦେଶ୍ୟରେ ମରଣାନ୍ତକ ଆକ୍ରମଣ ,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର) : ଚନ୍ଦ୍ରଶେଖରପୁର ଥାନା ପୁଲିସ ଅଭିଯୋଗକାରୀ ସଞ୍ଜୟ କୁମାର ନାୟକଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ଜିଲୁ ସିଂ(23)ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନାଯୋଗ୍ୟ ଯେ,ଗତ ତା ୧୨.୧୧.୨୦୨୩ ରିଖ ରାତି ପ୍ରାୟ ୧୧ଟା ରେ ଅଭିଯୋଗକାରୀ ତାଙ୍କର ଦୋକାନରେ ଥିବା ସମୟରେ ଅଭିଯୁକ୍ତ ରଞ୍ଜନ ତାଙ୍କର ଜଣେ ସହଯୋଗୀଙ୍କ ସହିତ ସେଠାରୁ ଆସିଥିଲେ । ସେହି ସମୟରେ ଆକାଶ ଛତା ବାଣ କିଣିବାକୁ ନେଇ ଉଭୟ ଅଭିଯୋଗକାରୀ ଏବଂ ଅଭିଯୁକ୍ତଙ୍କ ମଧ୍ୟରେ ବଚସା ହୋଇଥିଲା ।

ଏହାକୁ କେନ୍ଦ୍ର କରି ଅଭିଯୁକ୍ତମାନେ ରାଗିଯାଇ କିଛି ସହଯୋଗୀଙ୍କୁ ଘଟଣାସ୍ଥଳକୁ ଡକାଇ ଅଭିଯୋଗକାରିଙ୍କୁ ହତ୍ୟା କରିବା ଉଦେଶ୍ୟରେ ମରଣାନ୍ତକ ଆକ୍ରମଣ କରିଥିଲେ। ଏହି ଘଟଣାରେ ଅଭିଯୋଗକାରୀଙ୍କ ସମେତ ତାଙ୍କର ଅନ୍ୟ ୨ଜଣ ବନ୍ଧୁ ଗୁରୁତର ଆହତ ହୋଇଥିବାରୁ ସ୍ଥାନୀୟ ପଡୋଶୀ ସେମାନଙ୍କୁ ଭୁବନେଶ୍ବରର ଏକ ଘରୋଇ ହସ୍ପିଟାଲକୁ ଚିକିତ୍ସା ପାଇଁ ନେଇ ଯାଇଥିଲେ। ଚିକିତ୍ସିତ ହୋଇ ଫେରିବା ପରେ ଅଭିଯୋଗକାରୀ ଏନେଇ ଚନ୍ଦ୍ରଶେଖରପୁର ଥାନାରେ ଲିଖିତ ଅଭିଯୋଗ କରିଥିଲେ।

ପୁଲିସ ମାମଲାର ତଦନ୍ତ କରିବା ସହ ଗତ ତା ୦୯.୦୧୨.୨୦୨୩ ରିଖରେ ଜଣେ ଅଭିଯୁକ୍ତ ରଞ୍ଜନ ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସ୍ଥଳେ ଆଜି ବିଶେଷ ସୂତ୍ରରୁ ଖବର ପାଇ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି ଥାନାକୁ ଆଣିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଥିବା ବେଳେ ଅନ୍ୟ ଅଭିଯୁକ୍ତ ମାନଙ୍କୁ ଗିରଫ ପାଇ ଚେଷ୍ଟା ଜାରି ରହିଛି ।