Home Crime ଚାଉଳ ପ୍ଯାକେଟ, ଏକ ମଟର ପ୍ଯାକେଟ ଏବଂ ଏକ ବୁଟଡାଲି ପ୍ଯାକେଟ ଚୋରି,ଅଭିଯୁକ୍ତ ଗିରଫ

ଚାଉଳ ପ୍ଯାକେଟ, ଏକ ମଟର ପ୍ଯାକେଟ ଏବଂ ଏକ ବୁଟଡାଲି ପ୍ଯାକେଟ ଚୋରି,ଅଭିଯୁକ୍ତ ଗିରଫ

by Admin
0 comment

ନିରପେକ୍ଷ(ଭୁବନେଶ୍ୱର) : ଇନଫୋସିଟି ଥାନା ପୁଲିସ ଅଭିଯୋଗକାରୀ ଶ୍ରୀ ଅନାଥ ଚରଣ ସ୍ବାଇଁଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁ କରି ତଦନ୍ତ କରିବା ସହିତ ଅଭିଯୁକ୍ତ ଅଜୁଏସ ଦେହୁରୀକୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନା ଯୋଗ୍ୟ ଯେ, ଇନଫୋସିଟି ଥାନା ଅନ୍ତର୍ଗତ ଜାଲିମୁଣ୍ଡା ସାହିରେ ଅଭିଯୋଗକାରୀଙ୍କ ଏକ ତେଜରାତି ଦୋକାନ ଅଛି ।

ଗତ କାଲି ବିଳମ୍ବିତ ରାତିରେ ଅଭିଯୁକ୍ତ ଅଜୁଏସ ଦେହୁରୀ(26) ଜଣକ ଅଭିଯୋଗକାରୀଙ୍କ ଉକ୍ତ ତେଜରାତି ଦୋକାନର ତାଲା ଭାଙ୍ଗି ଏକ ଚାଉଳ ପ୍ଯାକେଟ, ଏକ ମଟର ପ୍ଯାକେଟ ଏବଂ ଏକ ବୁଟଡାଲି ପ୍ଯାକେଟ ଚୋରିକରି ନେଇଯାଉଥିବା ବେଳେ ସ୍ଥାନୀୟ କିଛି ଲୋକ ଏହା ଦେଖିପାରି ତାଙ୍କୁ କାବୁ କରିବା ସହିତ ଅଭିଯୋଗକାରୀଙ୍କୁ ଏନେଇ ସୂଚନା ଦେଇଥିଲେ ।

ସୂଚନା ପାଇ ଅଭିଯୋଗକାରୀ ଜଣକ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ଅଭିଯୁକ୍ତଙ୍କୁ ନେଇ ପୁଲିସ ଜିମା ଦେବା ସହିତ ଥାନାରେ ଏକ ଲିଖିତ ଅଭିଯୋଗ କରିଥିଲେ । ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲାର ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି ତାଙ୍କ ନିକଟରୁ ଚୋରା ସାମଗ୍ରୀ ସବୁକୁ ଜବତ କରିଥିଲେ । ପଚରାଉଚରା ବେଳେ ଅଭିଯକ୍ତ ଜଣକ, ଏହି ଚୋରୀ କାର୍ଯ୍ୟରେ ସମ୍ପୃକ୍ତି ଥିବା କଥା ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଜାରି ରହିଛି ।

You may also like

Latest News

Our Company

The fastest growing digital media company in Odisha is Nirapekshya News, which satisfies the growing demand from people who are constantly on the move for the most recent news from Odisha as well as vital domestic and worldwide information.

@2022 – All Right Reserved. Designed and Developed by Digital Software Inc