ବସ ଭିତରକୁ ବେଆଇନ ଭାବେ ପ୍ରବେଶ କରି ବସ୍ ଚାଳକଙ୍କୁ ଅଶ୍ରାବ୍ୟ ଭାଷାରେ ଗାଳିଗୁଲଜ

ନିରପେକ୍ଷ(ଭୁବନେଶ୍ୱର) : ଇନଫୋସିଟି ଥାନା ପୁଲିସ ଉପରୋକ୍ତ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ଦିଲ୍ଲୀପ କୁମାର ବେହେରା(35)ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନା ଯୋଗ୍ୟ ଯେ, ଅଭିଯୋଗକାରୀ ଜଣକ ମୋ ବସ୍ ସଂସ୍ଥାର ରୁଟ ଇନଚାର୍ଯ ଭାବେ କାର୍ଯ୍ୟ କରନ୍ତି ।

ଗତ ତା.୨୭.୦୨.୨୦୨୪ ରିଖ ରାତି ୦୯.୪୫ ମିନିଟ ସମୟରେ ଏକ ମୋ ବସ୍ ଜଗତପୁରରୁ ପଟିଆ ଡିପୋ ଅଭିମୁଖେ ଯାଉଥିବା ବେଳେ ଶିଖରଚଣ୍ଡୀ ଛକର ଠିକ ବିପରୀତ ପାର୍ଶ୍ବରେ, ନିମ୍ନୋକ୍ତ ଅଭିଯୁକ୍ତ ପଛ ପାଖରୁ ଏକ ହାଇୱା ଟ୍ରକ ବେପରୁଆ ଭାବେ ଚଲାଇ ଆଣି ମୋ ବସ୍ କୁ ଧକା ଦେବା ସହିତ ବସର ରାସ୍ତା ଅବରୋଧ କରିଥିଲେ ।

ପରେ ଅଭିଯୁକ୍ତ ଜଣକ ବସ ଭିତରକୁ ବେଆଇନ ଭାବେ ପ୍ରବେଶ କରି ବସ୍ ଚାଳକଙ୍କୁ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହିତ ନାନାପ୍ରକାର ଧମକ ଦେଇଥିଲେ ଏବଂ ମାଡ଼ ମଧ୍ୟ ମାରିଥିଲେ । ଘଟଣାର ତଦନ୍ତ କାଳରେ ପୁଲିସ ବିଶ୍ଵସ୍ତ ସୂତ୍ରରୁ ସୂଚନା ପାଇ ଚଢଉ ଜରିଆରେ ଅଭିଯୁକ୍ତ ଦିଲୀପ କୁମାର ବେହେରାଙ୍କୁ ଗିରଫ କରିବାରେ ସକ୍ଷମ ହୋଇଥିବା ବେଳେ ସେ ତାଙ୍କ ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଜାରି ରହିଛି ।