ଭିଡିଓ ଉତ୍ତୋଳନ କୁ ନେଇ ଗଣ୍ଡଗୋଳ ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର): ଇନଫୋସିଟି ଥାନା ପୁଲିସ ଉପରୋକ୍ତ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ଶିବ ପ୍ରସାଦ ନନ୍ଦ@ଗୁଗୁନ(33) ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୋଗକାରୀ ଶ୍ରୀ ମୁକ୍ତେଶ୍ଵର ମିଶ୍ର ଗତ ତା.୨୭.୦୧.୨୦୨୪ ରିଖ ରାତିରେ ପଟିଆ ଠାରେ ଥିବା ଟପନୋଚ ବାରକୁ ଯାଇଥିଲେ ।

ସେଠାରେ ଭିଡିଓ ଉତ୍ତୋଳନ କରିବା ନିଷେଦ୍ଧ ଥିବା ବେଳେ ଅଭିଯୋଗକାରୀ ଜଣକ ନିଜ ମୋବାଇଲ ଫୋନରେ ଭିଡିଓ ଉତ୍ତୋଳନ କରୁଥିଲେ । ଏହାକୁ କେନ୍ଦ୍ର କରି ବାରରେ ଥିବା ବାଉଁସରଙ୍କ ସହିତ ଅଭିଯୋଗକାରୀଙ୍କ ଯୁକ୍ତିତର୍କ ହୋଇଥିଲା । ପରେ ରାତି ୨ଟା ସମୟରେ ପାର୍ଟି ସରି ଯିବା ପରେ, ନିମ୍ନୋକ୍ତ ଅଭିଯୁକ୍ତ ଜଣକ ହଠାତ ଏକ ଲାଠି ସାହାଯ୍ୟରେ ଅଭିଯୋଗକାରୀଙ୍କ ମୁଣ୍ଡକୁ ଲକ୍ଷ କରି ଆକ୍ରମଣ କରିଥିଲେ ।

ସୌଭାଗ୍ୟ ବଶତଃ ସେ ଏହି ଆକ୍ରମଣରୁ ବର୍ତ୍ତୀ ଯାଇଥିଲେ । ଘଟଣା ସମ୍ପର୍କରେ ଅଭିଯୋଗକାରୀଙ୍କ ନିକଟରୁ ସୂଚନା ପାଇ ପୁଲିସ ତୁରନ୍ତ ଘଟଣା ସ୍ଥଳରେ ପହଞ୍ଚିବା ଦେଖି ଅଭିଯୁକ୍ତ ଜଣକ ସେଠାରୁ ଖସି ପଳାଇ ଯାଇଥିଲେ । ଏହି ଘଟଣାର ତଦନ୍ତ କରି ପୁଲିସ ଅଭିଯୁକ୍ତ ଶିବ ପ୍ରସାଦ ନନ୍ଦ ଓରଫ ଗୁଗୁନାକୁ ପଟିଆ ରେଲୱେ ଷ୍ଟେସନ୍ ନିକଟରୁ ଗିରଫ କରିବାରେ ସକ୍ଷମ ହୋଇଥିଲେ ।

ପଚରାଉଚରା ବେଳେ ଅଭିଯୁକ୍ତ ଜଣକ, ନିଜ ଅପରାଧ ସ୍ଵୀକାର କରିଥିଲେ । ଶିବ ପ୍ରସାଦ ନନ୍ଦ ଓରଫ ଗୁଗୁନାଙ୍କ ନାମରେ ଚନ୍ଦ୍ରଶେଖରପୁର ଥାନା ଓ ଖାରବେଳନଗର ଥାନାରେ ଗୋଟିଏ ଲେଖାଏଁ ମାମଲା ରହିଥିବା ତଦନ୍ତ ବେଳେ ଜଣାପଡିଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଜାରି ରହିଛି ।