ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହିତ ଟେକାପଥର ମାଡ଼

ନିରପେକ୍ଷ(ଭୁବନେଶ୍ୱର): ଶ୍ରୀ ଲିଙ୍ଗରାଜ ଥାନା ପୁଲିସ ଉପରୋକ୍ତ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ଅଭିଯୁକ୍ତ ରଶ୍ମୀ ରଞ୍ଜନ ସାହୁ ଓରଫ କାବୁଲାକୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନା ଯୋଗ୍ୟ ଯେ, ଅଭିଯୋଗକାରୀ ଜଣକ ନିଜ ବାପା, ମାଙ୍କ ସହ କପିଳେଶ୍ବର ଅନ୍ତର୍ଗତ ପ୍ଲଟ ନମ୍ବର-୧୫୩୩ ରେ ଥିବା କାମିନି କୁଟୀରରେ ରୁହନ୍ତି । ନିମ୍ନୋକ୍ତ ଅଭିଯୁକ୍ତ ଜଣକ ବିନା କୌଣସି କାରଣରେ ଅଭିଯୋଗକାରୀଙ୍କ ଘରର ଭିତର ଗେଟର ତାଲା ଭାଙ୍ଗିବା ସହିତ ଘର ବାହାରେ ଲାଗିଥିବା ଏକ ସିସିଟିଭି କ୍ୟାମେରାକୁ ବାଡ଼େଇ ଭାଙ୍ଗିଦେଇଥିଲେ ।

ପରେ ତାଙ୍କୁ ଏବଂ ତାଙ୍କ ବାପା, ମାଙ୍କୁ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ସହିତ ସେମାନଙ୍କ ଉପରକୁ ଟେକାପଥର ମାଡ଼ କରିଥିଲେ । ଯାହାଫଳରେ ଭିତରେ ପାର୍କିଂ ହୋଇଥିବା ଏକ କାର ଆଂଶିକ କ୍ଷତିଗ୍ରସ୍ତ ହୋଇଥିଲା । ଅଭିଯୋଗକାରୀଙ୍କ ବାପା ଅଭିଯୁକ୍ତଙ୍କୁ ବୁଝାଇବାକୁ ଉଦ୍ୟମ କରିବା ବେଳେ ଅଭିଯୁକ୍ତ ଜଣକ ଏକ ଲାଠି ସାହାଯ୍ୟରେ ତାଙ୍କୁ ମରଣାନ୍ତକ ଆକ୍ରମଣ କରିବା ସହିତ ତାଙ୍କ ବେକ ଚିପି ତାଙ୍କୁ ଜୀବନରୁ ମାରିଦେବା ଲାଗି ପ୍ରୟାସ କରିଥିଲେ ଏବଂ ଅଭିଯୋଗକାରୀଙ୍କ ମାଙ୍କ ପ୍ରତି ଦୁର୍ବ୍ୟବହାର ପ୍ରଦର୍ଶନ କରିଥିଲେ । ଅଭିଯୋଗକାରୀଙ୍କ ନିକଟରୁ ସୂଚନା ପାଇ ପିସିଆର କର୍ମଚାରୀ ମାନେ ତୁରନ୍ତ ଘଟଣା ସ୍ଥଳରେ ପହଞ୍ଚିବା ସହିତ ଅଭିଯୁକ୍ତଙ୍କୁ କାବୁ କରି ଥାନାକୁ ଆଣିଥିଲେ ।

ଅଭିଯୋଗକାରୀଙ୍କ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରିଥିଲେ । ପଚରାଉଚରା ବେଳେ ଅଭିଯକ୍ତ ଜଣକ ନିଜ ଦୋଷ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଜାରି ରହିଛି ।