ବେଆଇନ ଦେଶୀ ମଦବିକ୍ରୟ ,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର) : କ୍ୟାପିଟାଲ ଥାନା ପୁଲିସ ବେଆଇନ ଦେଶୀ ମଦ ବିକ୍ରୟ କରିବା ଅଭିଯୋଗରେ ମନୋଜ ଦାସ(30) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଗତକାଲି କ୍ୟାପିଟାଲ ଥାନାଧିକାରୀଙ୍କ ନିର୍ଦ୍ଧେଶ କ୍ରମେ ସମ୍ପୃକ୍ତ ଥାନାର ଏକ ପାଟ୍ରୋଲିଂ ଟିମ ନିଜ ଅଞ୍ଚଳରେ ସନ୍ଧ୍ୟାକାଳୀନ ପେଟ୍ରୋଲିଙ୍ଗ କରୁଥିବା ସମୟରେ ବିଶ୍ଵସ୍ତ ସୂତ୍ରରୁ ହସ୍ତଗତ ହୋଇଥିବା ଏକ ସୂଚନାକୁ ଆଧାର କରି ମାଷ୍ଟର କ୍ୟାଣ୍ଟିନ ଅନ୍ତର୍ଗତ ମୋ ବସ ଷ୍ଟାଣ୍ଡ ପଛ ପାଖରେ ଥିବା ଏକ ଅନ୍ଧାରୁଆ ସ୍ଥାନରେ ଅତର୍କିତ ଚଢଉ କରିବା ସହ ବେଆଇନ ଦେଶୀ ମଦବିକ୍ରୟ ଅଭିଯୋଗରେ ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିଲେ ।

ତଲାସି ସମୟରେ ପେଟ୍ରୋଲିଙ୍ଗ ଟିମ ଅଭିଯୁକ୍ତଙ୍କ ହେପାଜତରୁ ସମୁଦାୟ ୯୧ ଟି ବୋତଲରେ ଥିବା ମୋଟ ୧୮.୨ ଲିଟର ଆସ୍କା-୪୦ ଦେଶୀମଦ ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ, ଏହି ଦେଶୀମଦ ବିକ୍ରୟ ନେଇ ପାଖରେ କୌଣସି ଅନୁମତି ପତ୍ର ନଥିବା ସ୍ଵୀକାର କରିଥିଲେ ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।