ଗାଳି ଗୁଲଜ କରିବା ସହ ହତ୍ୟା କରିବାର ଧମକ

ନିରପେକ୍ଷ(ଭୁବନେଶ୍ୱର) : କ୍ୟାପିଟାଲ ଥାନା ପୁଲିସ ଅଭିଯୋଗକାରୀ କାହ୍ନୁ ନାୟକଙ୍କ ଅଭିଯୋଗ ଆଧାରରେ ଉପରୋକ୍ତ ମାମଲା ରୁଜୁ କରିବା ସହ ତଦନ୍ତ କରି ଆଦିତ୍ୟ ପାଢ଼ୀ(21) ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଗତ ତା ୨୧.୦୨.୨୦୨୪ ରିଖ ସନ୍ଧ୍ୟାରେ ଅଭିଯୋଗକାରୀଙ୍କ ସମ୍ପର୍କୀୟ ଭାଇଙ୍କୁ ନିମ୍ନୋକ୍ତ ଅଭିଯୁକ୍ତଙ୍କ ସହଯୋଗୀମାନେ ଆକ୍ରମଣ କରିଥିବାରୁ ସେ ତାଙ୍କୁ କ୍ୟାପିଟାଲ ହସ୍ପିଟାଲ ରେ ଚିକିତ୍ସା କରାଇଥିଲେ ଏବଂ ଚିକିତ୍ସା କରାଇବା ପରେ ସେମାନେ ଏନେଇ କ୍ୟାପିଟାଲ ଥାନାରେ ଅଭିଯୋଗ କରି ତାଙ୍କ ବସ୍ତିକୁ ଫେରିଥିଲେ ।

ଏହି କାରଣ ହେତୁ ପ୍ରତିଶୋଧ ପରାୟଣ ହୋଇ ନିମ୍ନୋକ୍ତ ଅଭିଯୁକ୍ତ ଓ ତାଙ୍କର ଅନ୍ୟ ସହଯୋଗୀ କିଛି ମରଣାସ୍ତ୍ର ଧରି ନାରାୟଣ ବସ୍ତିରେ ପହଞ୍ଚିଥିଲେ ଏବଂ ଅଭିଯୋଗକାରିଙ୍କୁ ଗାଳି ଗୁଲଜ କରିବା ସହ ହତ୍ୟା କରିବାର ଧମକ ଦେଇଥିଲେ। ଏହାକୁ ବିରୋଧ କରିବାରୁ ଅଭିଯୁକ୍ତ ମାନେ ଅଭିଯୋଗକାରୀଙ୍କ ସମେତ ଜଣେ ବିକାଶ ନାମକ ବ୍ୟକ୍ତିଙ୍କୁ ହତ୍ୟା କରିବା ଉଦେଶ୍ୟରେ ଅତି ନିର୍ମମ ଭାବରେ ଆକ୍ରମଣ କରିଥିଲେ । ନିଜ ଜୀବନ ବଞ୍ଚାଇବା ପାଇଁ ଉଭୟ ଅଭିଯୋଗକାରୀ ଏବଂ ଆହତ ବ୍ୟକ୍ତି ଅଭିଯୁକ୍ତ ମାନଙ୍କ କବଳରୁ ଖସି ପଳାଇଥିଲେ ।

ଏନେଇ କ୍ୟାପିଟାଲ ଥାନାରେ ଅଭିଯୋଗ ହେବା ପରେ ପୁଲିସ ତଦନ୍ତ କରି ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି ଥାନାକୁ ଆଣିଥିଲେ । ପଚାର ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ। ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଥିବା ବେଳେ ଅନ୍ୟ ଅଭିଯୁକ୍ତ ମାନଙ୍କୁ ଗିରଫ ପାଇଁ ଚେଷ୍ଠା ଜାରି ରହିଛି ।