ନିଶାସକ୍ତ ଅବସ୍ଥାରେ ଅଶ୍ରାବ୍ୟ ଭାଷାରେ ଗାଳିଗୁଲଜ ସହିତ ମରଣାନ୍ତକ ଆକ୍ରମଣ

ନିରପେକ୍ଷ : ଲକ୍ଷ୍ମୀସାଗର ଥାନା ପୁଲିସ ଅଭିଯୋଗକାରିଣୀଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।ସୂଚନା ଯୋଗ୍ୟ ଯେ, ଗତ ତା.୦୧.୦୨.୨୦୨୪ ରିଖ ରାତିରେ ଅଭିଯୋଗକାରିଣୀଙ୍କ ସ୍ବାମୀ ନିକଟସ୍ଥ ମେଡ଼ିସିନ ଦୋକାନରୁ ମେଡ଼ିସିନ ନେଇ ଘରକୁ ନିଜ ବାଇକ ଯୋଗେ ଫେରୁଥିବା ବେଳେ, ଜଗନ୍ନାଥ ନଗର ଅନ୍ତର୍ଗତ ରୋଡ଼ ନମ୍ବର-୭ ରେ ଥିବା ମର୍ଥା ଟ୍ରେଡର୍ସ ନିକଟରେ, ଦେବାଶିଷ ମହାନ୍ତି(23) ଅଭିଯୁକ୍ତ ଏବଂ ତାଙ୍କ ସହଯୋଗୀ ମାନେ ନିଶାସକ୍ତ ଅବସ୍ଥାରେ ପଛ ପାଖରୁ ଆସି ରାସ୍ତା ଦେବାଲାଗି କହିଥିଲେ ଏବଂ ହଠାତ ତାଙ୍କୁ ଅଶ୍ରାବ୍ୟ ଭାଷାରେ ଗାଳିଗୁଲଜ କରିବା ଆରମ୍ଭ କରିଦେଇଥିଲେ ।

ଅଭିଯୋଗକାରିଣୀଙ୍କ ସ୍ବାମୀ ଏହାର ବିରୋଧ କରିବାରୁ, ସହଯୋଗୀ ଅଭିଯୁକ୍ତ ତାପସ ପାଖରେ ପଡିଥିବା ଏକ ପଥର ସାହାଯ୍ୟରେ ତାଙ୍କ ମୁଣ୍ଡକୁ ଲକ୍ଷ କରି ମରଣାନ୍ତକ ଆକ୍ରମଣ କରିଥିଲେ । ଏହି ଆକ୍ରମଣ ଫଳରେ ଅଭିଯୋଗକାରିଣୀଙ୍କ ସ୍ବାମୀଙ୍କ ମୁଣ୍ଡରେ ଗୁରୁତର ଆଘାତ ଲାଗିଥିଲା । ଘଟଣାର ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ଚଢଉ ଜରିଆରେ ଗତ ତା ୦୫.୦୨.୨୦୨୪ ରିଖରେ ଅଭିଯୁକ୍ତ ତାପସକୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଅଭିଯୁକ୍ତ ଦେବାଶିଷ ଗିରଫଦାରୀ ଏଡାଇବା ପାଇଁ ଫେରାର ହୋଇଯାଇଥିଲେ ।

ଏହି ମାମଲାର ଅଧିକ ତଦନ୍ତ ଚାଲୁ ରହିଥିବା ବେଳେ ଆଜି ବିଶେଷ ସୂତ୍ରରୁ ଖବର ପାଇ ନିମ୍ନୋକ୍ତ ଅଭିଯୁକ୍ତଙ୍କୁ ଜଗନ୍ନାଥନଗର ରୁ ଗିରଫ କରିବାରେ ସକ୍ଷମ ହୋଇଥିଲେ । ପଚରା ଉଚରା ବେଳେ ଅଭିଯୁକ୍ତ ଜଣକ ନିଜର ଅପରାଧ ସ୍ଵୀକାର କରିଥିଲେ । ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।