ଟ୍ରକ ଧକ୍କା ଜଣେ ମୃତ ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର) : ଭରତପୁର ଥାନା ପୁଲିସ ଅଭିଯୋଗକାରୀ ଶ୍ରୀ ସୁରଜ ଲାମାଙ୍କ ଅଭିଯୋଗ ଆଧାରରେ ମାମଲା ରୁଜୁକରି ତଦନ୍ତ କରିବା ସହ ବଳରାମ ନାୟକ(45) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନା ଯୋଗ୍ୟ ଯେ, ଗତ ତା.୩୧.୦୧.୨୦୨୪ ରିଖ ରାତିରେ ଅଭିଯୋଗକାରୀଙ୍କ ଦୁଇ ସାନଭାଇ ଏକ ୟାମାହା ମୋଟରସାଇକେଲ ଯୋଗେ ଗୋଠପାଟଣାରୁ ସମ ହସ୍ପିଟାଲ ନିକଟରେ ଥିବା “ଦି ଟେଷ୍ଟ ଅଫ ନେପାଲ” ରେଷ୍ଟୁରାଣ୍ଟକୁ ଆସୁଥିବା ବେଳେ, ସମ ହସ୍ପିଟାଲ ନିକଟରେ ନିମ୍ନୋକ୍ତ ଅଭିଯୁକ୍ତ ଡ୍ରାଇଭର ଜଣକ ଏକ ଟ୍ରକକୁ ଦ୍ରୁତଗତିରେ ତଥା ବିପଦଜନକ ଭାବେ ଚାଳନା କରି ଉଭୟଙ୍କୁ ଖୁବ ଜୋରରେ ଧକା ଦେଇଥିଲେ ।

ଏହି ଟ୍ରକ ଧକା ଯୋଗୁଁ ଦୁଇଭାଇ ରାସ୍ତାରେ ଛିଟିକି ପଡିବା ସହିତ ଗୁରୁତର ଆହତ ହୋଇଥିଲେ । ଅଭିଯୋଗକାରୀ ଜଣକ ସ୍ଥାନୀୟ ଲୋକଙ୍କ ସହାୟତାରେ ଉଭୟଙ୍କୁ ଘଟଣା ସ୍ଥଳରୁ ଉଦ୍ଧାର କରି ସମ ହସ୍ପିଟାଲକୁ ସ୍ଥାନାନ୍ତର କରିଥିଲେ । ସେଠାରେ ଚିକିତ୍ସାଧୀନ ଥିବା ଅବସ୍ଥାରେ ଅଭିଯୋଗକାରୀଙ୍କ ଜଣେ ଭାଇଙ୍କର ମୃତ୍ଯୁ ହୋଇଯାଇଥିଲା । ଏହି ଘଟଣାକୁ କେନ୍ଦ୍ର କରି ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ବିଶ୍ଵସ୍ତ ସୂତ୍ରରୁ ସୂଚନା ପାଇ ବରମୁଣ୍ଡା ବସ-ଷ୍ଟାଣ୍ଡ ନିକଟରେ ଚଢଉ କରି ନିମ୍ନୋକ୍ତ ଅଭିଯୁକ୍ତ ଡ୍ରାଇଭରଙ୍କୁ କାବୁ କରିବାରେ ସକ୍ଷମ ହୋଇଥିଲେ । ପଚରା ଉଚରା ବେଳେ ଅଭିଯୁକ୍ତ ଜଣକ ନିଜର ଅପରାଧ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।