ବେଆଇନ ଦେଶୀମଦ ପରିବହନ ତଥା ବିକ୍ରୟ ,ଦୁଇ ଅଭିଯୁକ୍ତଙ୍କୁ ଗିରଫ

ନିରପେକ୍ଷ(ଭୁବନେଶ୍ୱର) : ମୈତ୍ରୀବିହାର ଥାନା ପୁଲିସ ବେଆଇନ ଦେଶୀମଦ ପରିବହନ ତଥା ବିକ୍ରୟ କରିବା ଅଭିଯୋଗରେ ଦୁଇ ଅଭିଯୁକ୍ତ ସାଗର କୁମାର ସେଠୀ(29),ବଳରାମ ନାୟକ(46) ଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ବିଶ୍ଵସ୍ତ ସୂତ୍ରରୁ ମିଳିଥିବା ସୂଚନାକୁ ଆଧାର କରି ମୈତ୍ରୀବିହାର ଥାନାଧିକାରୀଙ୍କ ନିର୍ଦ୍ଦେଶ ମୁତାବକ ସମ୍ପୃକ୍ତ ଥାନାର ସ୍ପେଶାଲ ଟିମ ସାଲିଆସାହିରେ ଅତର୍କିତ ଚଢଉ କରିବା ସହିତ ବେଆଇନ ଦେଶୀମଦ ବିକ୍ରୟ କରିବା ନିମନ୍ତେ ସ୍କୁଟିରେ ପରିବହନ କରି ନେଉଥିବା ସମୟରେ କାବୁ କରି ନେଇଥିଲେ ।

ତଲାସି ବେଳେ ପୁଲିସ ଅଭିଯୁକ୍ତ ମାନଙ୍କ ହେପାଜତରୁ ୩୦ଲିଟର ଦେଶୀ ବିଷାକ୍ତ ମଦ ଓ ସମ୍ପୃକ୍ତ ସ୍କୁଟି ଜବତ କରିଥିଲେ । ପଚରାଉଚରା ବେଳେ ଉଭୟ ଅଭିଯୁକ୍ତ ଏହି ଦେଶୀମଦ ପରିବହନ କିମ୍ବା ବିକ୍ରୟ କରିବା ନେଇ କୌଣସି ଅନୁମତି ପତ୍ର ଦେଖାଇ ପାରିନଥିବା ବେଳେ ସେମାନଙ୍କର ଅପରାଧ ସ୍ଵୀକାର କରିଥିଲେ। ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି