ବିଳମ୍ବିତ ରାତ୍ରି ପଶି ଉନ୍ମୁକ୍ତ କାଣ୍ଡ ,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର) : ନୟାପଲ୍ଲୀ ଥାନା ପୁଲିସ ଅଭିଯୋଗକାରୀ ଲକ୍ଷ୍ମୀ ମହାନ୍ତିଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ନିମ୍ନୋକ୍ତ ଅଭିଯୁକ୍ତ ସୁରେନ୍ଦ୍ର ଦିଗଲ(28)ଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନା ଯୋଗ୍ୟ ଯେ, ଅଭିଯୋଗକାରୀ ଜଣକ ଜୟଦେବବିହାର ଅନ୍ତର୍ଗତ ଏନ-୬, ପ୍ଳଟ ନମ୍ବର-୧୨ ରେ ରହୁଥିବା ବେଳେ ଭୁବନେଶ୍ବର ସହର ମଧ୍ୟରେ ଦିନ ମଜୁରିଆ ଭାବେ କାର୍ଯ୍ୟ କରନ୍ତି । ଗତ ତା.୨୨ .୦୧.୨୦୨୪ ରିଖ ବିଳମ୍ବିତ ରାତିରେ ଅଭିଯୋଗକାରୀ ଜଣକ ନିଜ ଘରେ ଶୋଇଥିବା ବେଳେ, ନିମ୍ନୋକ୍ତ ଅଭିଯୁକ୍ତ ଯାଇ ତାଙ୍କ ଘରର କବାଟ ବାଡ଼େଇ ଥିଲେ ।

ଅଭିଯୋଗକାରୀ କବାଟ ନଖୋଲିବାରୁ, ଅଭିଯୁକ୍ତ ସୁରେନ୍ଦ୍ର ଦିଗଲ(28) ଜଣକ ଘରର ଛାତ ଉପର ଦେଇ ଭିତରକୁ ଜୋରଜବରଦସ୍ତ ପଶିବା ସହିତ ତାଙ୍କୁ ମାଡ଼ ମାରିଥିଲେ ଏବଂ ଅନ୍ୟାନ୍ୟ ଗୃହାପୋକରଣ ଆସବାବପତ୍ର ସବୁକୁ ବାଡ଼େଇ ଭାଙ୍ଗି ଦେଇଥିଲେ । ଅଭିଯୋଗକାରୀ ଏନେଇ ଥାନାରେ ଲିଖିତ ଅଭିଯୋଗ କରିବା ପରେ, ପୁଲିସ ମାମଲାର ତଦନ୍ତ କରିବା ସହିତ ବିଶ୍ଵସ୍ତ ସୂତ୍ରରୁ ସୂଚନା ପାଇ ଚଢଉ ଜରିଆରେ ନିମ୍ନୋକ୍ତ ଅଭିଯୁକ୍ତ ସୁରେନ୍ଦ୍ର ଦିଗଲ(28) ଙ୍କୁ କାବୁ କରିଥିବା ବେଳେ ଘଟଣାରେ ବ୍ଯବହୃତ ଲାଠିଟିକୁ ମଧ୍ୟ ଜବତ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ ନିଜର ଅପରାଧ ସ୍ଵୀକାର କରିଥିଲେ । ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।