ଚାକିରୀ ଦେବା ନାଁରେ ଠକେଇ ,ଅଭିଯୁକ୍ତ ଗିରଫ

ନିରପେକ୍ଷ(ଭୁବନେଶ୍ୱର) : ତମାଣ୍ଡୋ ଥାନା ପୁଲିସ ଅଭିଯୋଗକାରୀ ଶ୍ରୀ ଗୌରବ ବଳିଆରସିଂହଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ସଞ୍ଜୟ କୁମାର ନାୟକ(29) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୋଗକାରୀ ଗତ ୨୦୨୧ ମସିହାରୁ ନିମ୍ନୋକ୍ତ ଅଭିଯୁକ୍ତଙ୍କ ଅଧୀନରେ କଳିଙ୍ଗ ନଗର କେ-୫ରେ ଆର୍ଥିକ ପରିଚାଳକ ଭାବରେ କାର୍ଯ୍ୟ କରିଆସୁଥିଲେ ।

ଅଭିଯୁକ୍ତ ସଞ୍ଜୟ କୁମାର ନାୟକ(29) ଜଣକ ସରକାରୀ ଚାକିରି ଯୋଗାଇ ଦେବାର ପ୍ରତିସୂତି ଦେଇ ଅଭିଯୋଗକାରୀଙ୍କ ଠାରୁ ୭ଲକ୍ଷ ୭୦ ହଜାର, ସେହି ପରି ଜଣେ ଲାଡଲା ଦିଗଲଙ୍କ ଠାରୁ ୩ଲକ୍ଷ ୯୫ହଜାର, ଅନ୍ୟ ମାନଙ୍କ ଠାରୁ ଯଥାକ୍ରମେ ୮ଲକ୍ଷ ୨୦ ହଜାର, ୩ଲକ୍ଷ ୭୦ଯାହାର ନେଇଥିଲେ ଏବଂ ପ୍ରତିବଦଳରେରେଲୱେ ବିଭାଗରେ ଯୋଗ ଦେବା ପାଇଁ ନିଯୁକ୍ତି ପତ୍ର ଦେଇଥିଲେ। ପରବର୍ତ୍ତୀ ସମୟରେ ଅଭିଯୋଗକାରୀ ପାଇଥିବା ନିଯୁକ୍ତି ପତ୍ରଟି ଜାଲି ଓ ସେ ଠକାମୀର ଶିକାର ହୋଇଥିବା ଜାଣିବା ପରେ ଏନେଇ ଅଭିଯୁକ୍ତଙ୍କୁ ଯୋଗଯୋଗ କରିଥିଲେ ।

ଏଥିରେ ଅଭିଯୁକ୍ତ ସଞ୍ଜୟ କୁମାର ନାୟକ(29) ଜଣକ ଧମକ ଦେବା ସହ ପୁନର୍ବାର ଯୋଗା ଯୋଗ ନକରିବାକୁ ସିଧା ସିଧା ମନା କରିଦେଇଥିଲେ । ଏନେଇ ତମାଣ୍ଡୋ ଥାନାରେ ମାମଲା ରୁଜୁ ହେବା ପରେ ପୁଲିସ ତଦନ୍ତ କରିବା ସହ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି ଥାନାକୁ ଆଣିଥିଲେ। ପଚରା ଉଚରା ବେଳେ ଅଭିଯୁକ୍ତ ଜଣକ ନିଜର ଅପରାଧ ସ୍ଵୀକାର କରିଥିଲେ ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି।