ଅଟୋରୁ ବ୍ଯାଟେରୀ ଚୋର ଗିରଫ

ନିରପେକ୍ଷ(ଭୁବନେଶ୍ୱର) : ସହୀଦନଗର ଥାନା ପୁଲିସ ଅଭିଯୋଗକାରୀ ଶ୍ରୀ ସଞ୍ଜୟ କୁମାର ସାହୁଙ୍କ ଅଭିଯୋଗ କ୍ରମେ ଉପରୋକ୍ତ ମାମଲାର ତଦନ୍ତ କରିବା ସହିତ ଏସ କେ ମୁସ୍ତାକିନ(21 ) ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୋଗକାରୀ ଜଣକ ନିଜ ଅଟୋକୁ ସହୀଦନଗର ଅନ୍ତର୍ଗତ ଭେଟେରିନାରୀ ହସ୍ପିଟାଲ ନିକଟରେ ପାର୍କିଂ କରି ନିକଟସ୍ଥ ଦୋକାନରେ ଚା ପିଉଥିଲେ । ଏହି ସୁଯୋଗରେ ନିମ୍ନୋକ୍ତ ଅଭିଯୁକ୍ତ ଜଣକ ଅଭିଯୋଗକାରୀଙ୍କ ଅଟୋରୁ ବ୍ଯାଟେରୀ ଚୋରୀ କରି ନେଇ ଯାଉଥିବା ସମୟରେ ଅଭିଯୋଗକାରୀଙ୍କ ନଜରରେ ପଡିଥିଲେ । ଏହା ଦେଖି ଅଭିଯୋଗକାରୀ ଜଣକ ପାଟିକରିବା ସହିତ ଉପସ୍ଥିତ କିଛି ଲୋକଙ୍କ ସହ ମିଶି ଅଭିଯୁକ୍ତଙ୍କର ପିଛା କରି ତାଙ୍କୁ କାବୁ କରିବାରେ ସକ୍ଷମ ହୋଇଥିବା ବେଳେ ଉକ୍ତ ବ୍ଯାଟେରୀ ସହ ତାଙ୍କୁ ପୁଲିସ ଜିମା ଦେଇଥିଲେ ।

ଏହି ଘଟଣାକୁ କେନ୍ଦ୍ର କରି ଅଭିଯୋଗକାରୀଙ୍କ ଅଭିଯୋଗ ଆଧାରରେ ପୁଲିସ ମାମଲା ରୁଜୁକରି ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରିଥିଲେ । ପଚରାଉଚରା ବେଳେ ଅଭିଯୁକ୍ତ ଜଣକ ନିଜର ଅପରାଧ ସ୍ଵୀକାର କରିଥିଲେ । ନିମ୍ନୋକ୍ତ ଅଭିଯୁକ୍ତ ଜଣେ ଅଭ୍ଯାସଗତ ଅପରାଧୀ ଥିବା ତଦନ୍ତରୁ ଜଣାପଡିଛି । ତାଙ୍କ ନାମରେ ଭୁବନେଶ୍ବରର ବିଭିନ୍ନ ଥାନାରେ ମୋଟ ୯ଟି ରୁ ମଧ୍ୟ ଅଧିକ ଅପରାଧିକ ମାମଲା ରହିଛି ।

ଅଭିଯୁକ୍ତ ଜଣକ ଅଭ୍ଯାସଗତ ଭାବେ ବିଭିନ୍ନ ଅପରାଧରେ ଲିପ୍ତ ରହୁଥିବାରୁ ତାଙ୍କ ବିରୋଧରେ CrPC-110 ଧାରା ଅନୁଯାଇ କାର୍ଯ୍ୟାନୁଷ୍ଠାନ ନିଆଯିବା ଲାଗି ପଦକ୍ଷେପ ନିଆଯାଉଅଛି । ଉଲ୍ଲେଖ ଯୋଗ୍ୟ ଯେ, ଅଭିଯୁକ୍ତ ଜଣକ ଉପରୋକ୍ତ ମାମଲାରେ ଗିରଫ ହୋଇ ପୁଲିସ ହେଫାଜତରେ ଥିବା ସମୟରେ ଜଣେ କର୍ତ୍ତବ୍ୟରତ ପୁଲିସ ଅଧିକାରୀଙ୍କୁ ମାଡ଼ ମାରି ଖସି ପଳାଇବା ଲାଗି ଉଦ୍ୟମ କରିବା ଅଭିଯୋଗରେ ତାଙ୍କ ନାମରେ ଭିନ୍ନ ଏକ ମାମଲା ରୁଜୁ ହୋଇଛି । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।