ବନ୍ଧା ହେଲା ଚୋର, ଚୋରାପିତ୍ତଳ ପୂଜା ସାମଗ୍ରୀ ଜବତ

ନିରପେକ୍ଷ : ଭରତପୁର ଥାନା ପୁଲିସ ଅଭିଯୋଗକାରିଣୀଙ୍କ ଅଭିଯୋଗ କ୍ରମେ ଉପରୋକ୍ତ ମାମଲା ରୁଜୁକରି ତଦନ୍ତ କରିବା ସହିତ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୋଗକାରିଣୀ ଜଣକ ଭରତପୁର ଥାନା ଅନ୍ତର୍ଗତ ସତ୍ୟନଗର ଅଞ୍ଚଳରେ ରୁହନ୍ତି । ଗତକଲି ରାତିରେ ସୁରଜ ଚେତ୍ରୀ ଅଭିଯୁକ୍ତ ଜଣକ ଅନ୍ଧାରର ସୁଯୋଗ ନେଇ ଅଭିଯୋଗକାରିଣୀଙ୍କ ଘରେ ପଶିବା ସହିତ ଘରେ ଥିବା କିଛି ପିତ୍ତଳ ପୂଜା ସାମଗ୍ରୀକୁ ଚୋରୀକରି ନେଇଯାଇଥିଲେ ।

ଏହି ଚୋରୀ ଘଟଣାକୁ କେନ୍ଦ୍ରକରି ଅଭିଯୋଗକାରିଣୀଙ୍କ ଅଭିଯୋଗ ଆଧାରରେ ପୁଲିସ ମାମଲାର ତଦନ୍ତ କରିବା ସହିତ ବିଶ୍ଵସ୍ତ ସୂତ୍ରରୁ ଖବର ପାଇ ଭରତପୁର ଅନ୍ତର୍ଗତ ଶିବ ମନ୍ଦିର ନିକଟରେ ଥିବା ଏକ କବାଡିଆ ଦୋକାନ ନିକଟରେ ଚଢଉ କରି ନିମ୍ନୋକ୍ତ ଅଭିଯୁକ୍ତଙ୍କୁ କାବୁ କରିବାରେ ସକ୍ଷମ ହୋଇଥିବା ବେଳେ ତାଙ୍କ ନିକଟରୁ ଚୋରାପିତ୍ତଳ ପୂଜା ସାମଗ୍ରୀ ସବୁକୁ ଜବତ କରିଥିଲେ । ପଚରାଉଚରା ବେଳେ, ଅଭିଯୁକ୍ତ ଜଣକ ନିଜ ଅପରାଧ ସ୍ଵୀକାର କରିଥିଲେ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।