ଜିଲ୍ଲାପାଳଙ୍କ କାର୍ଯ୍ୟାଳୟ ଠାରୁ କିଛି ଦୂରରେ ଥିବା ହିରୋ ସ୍ପେୟାର ପାର୍ଟ ଦୋକାନରୁ ଚୋରି

ରାୟଗଡ଼ା (ନିରପେକ୍ଷ): ରାୟଗଡ଼ାରେ ଚୋରି ଘଟଣା ଦିନକୁ ଦିନ ବଢି ଚାଲିଛି । ପୋଲିସକୁ ପଛରେ ପକାଇ ଗୋଟିଏ ପାଦେ ଆଗରେ ଅଛନ୍ତି ଚୋରମାନେ। ବାରମ୍ବାର ଏଭଳି ଘଟଣା ଘଟୁଥିଲେ ବି ପୋଲିସ ଚୋର ଧରିବାରେ ବିପଳ।

ସୂଚନା ଅନୁଯାୟୀ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରୁ କିଛି ଦୂରରେ ରହିଥିବା ହିରୋ ସ୍ପେୟାର ପାର୍ଟ ଦୋକାନରୁ ଚୋରି ହୋଇଛି। ମକର ସଂକ୍ରାନ୍ତି ଉପଲକ୍ଷେ 3 ଦିନ ଦୋକାନ ବନ୍ଦ ରହିଥିବା ବେଳେ ଦୁବୁର୍ତ ଝରକା ଗ୍ରୀଲ ଖୋଲି ଲୁଟି ନେଇଛନ୍ତି। କେବଳ ଲୁଟି ନେଇଛନ୍ତି ତାହା ନୁହେଁ ଧରା ପଡିବା ଭୟରେ CC cemera ହାର୍ଡ଼ିସ୍କ ମଧ୍ୟ ତାଡି ନେଇଛନ୍ତି ଦୁର୍ବୁତ୍ତ। ମାଲିକଙ୍କ କହିବା ଅନୁଯାୟୀ କମ୍ପାନୀ ପାର୍ଟ କିଣୁଥିବା ଗ୍ରାହକଙ୍କ ପାଇଁ ରୁପା କଏନ ଭଳି ଅନେକ ସ୍କିମ ରଖି ଥାଆନ୍ତି। ସେହି କଏନ ଗୁଡ଼ିକ ଲୁଟି ନେଇଥିବା ଅଭିଯୋଗ ହୋଇଛି। ତେବେ କେତେ ପରିମାଣରେ ଚୋରି ହୋଇଛି ସ୍ପଷ୍ଟ ହୋଇନାହିଁ। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ମାଲିକଙ୍କ ପୁଅ ଗାଁରୁ ଫେରିବା ପରେ କେତେ ଟଙ୍କା, କଏନ ଚୋରି ହୋଇଛି ଜଣା ପଡିବ ବୋଲି ମାଲିକ ପ୍ରକାଶ କରିଛନ୍ତି।