ଲୁଟେରାଙ୍କୁ ନାମ ଦେଲା ପୋଲିସ

ନିରପେକ୍ଷ(ଭୁବନେଶ୍ୱର)୧୭/୦୧ : ଭରତପୁର ଥାନା ପୁଲିସ ଅଭିଯୋଗକାରୀ କାହ୍ନା ସାହୁଙ୍କ ଅଭିଯୋଗ ଭିତ୍ତିରେ ତଦନ୍ତ କରିବା ସହ ରମେଶ ଚନ୍ଦ୍ର ଭୂଜବଳ ଆଉ ରାଜେସ ଦାସ ଅଭିଯୁକ୍ତ ଦ୍ଵୟଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି । ସୂଚନାଯୋଗ୍ୟ ଯେ, ଅଭିଯୋଗକାରୀ ଗୋଟିଏ ଘରୋଇ କମ୍ପାନୀରେ ଡେଲିଭେରୀ କାର୍ୟ୍ୟ କରନ୍ତି । ଗତ କାଲି ତା ୧୬.୦୧.୨୦୨୪ ରିଖରେ ସେ ଖଣ୍ଡଗିରି ବାରି ସ୍ଥିତ ଓଂକାର ରେସିଡେନ୍ସିରେ୨ଟି ପାର୍ସେଲ ଦେବାକୁ ଯାଇଥିବା ସମୟରେ ନିମ୍ନୋକ୍ତ ଅଭିଯୁକ୍ତ ଦ୍ୱୟ ତାଙ୍କର ୨ଟି ପାର୍ସେଲରେ ଥିବା ୨ଟି ଚିଆ ମଞ୍ଜିର ବଟଲ୍ ଓ ପକେଟରୁ ଗୋଟିଏ ମୋବାଇଲ ଫୋନ ବଳପୂର୍ବକ ଲୁଟ କରି ନେଇ ଯାଇଥିଲେ।

ଅଭିଯୋଗକାରୀ ଏନେଇ ଭରତପୁର ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ମାମଲାର ତଦନ୍ତ କରିବା ସହ ବିଶେଷ ସୂତ୍ରରୁ ଖବର ପାଇ ନିମ୍ନୋକ୍ତ ଅଭିଯୁକ୍ତ ଦ୍ଵୟଙ୍କୁ ଆମରି ହସ୍ପିଟାଲ ନିକଟରୁ ଲୁଟ ମୋବାଇଲ ଫୋନ କୁ ଅତି କମ ମୂଲ୍ୟରେ ବିକ୍ରୟ କରିବା ପାଇଁ ଗ୍ରାହକ ଅନୁସନ୍ଧାନ କରୁଥିବା ସମୟରେ କାବୁ କରି ନେଇଥିଲେ। ପଚରା ଉଚରା ବେଳେ ଅଭିଯୁକ୍ତ ଦୁହେଁ ସେମାନକର ଅପରାଧ ସ୍ଵୀକାର କରିବାରୁ ପୁଲିସ ସେମାନଙ୍କର ହେପାଜତରୁ ୨ଟି ପାର୍ସେଲ ଓ ମୋବାଇଲ ଫୋନ ଜବତ କରି ଅଧିକ ତଦନ୍ତ ପାଇଁ ଥାନାକୁ ଆଣିଥିଲେ ।ଦୁଇ ଅଭିଯୁକ୍ତ ହେଲେ ରମେଶ ଚନ୍ଦ୍ର ଭୂଜବଳ ଆଉ ରାଜେସ ଦାସ । ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ପୋଲିସ ପକ୍ଷରୁ ସୂଚନା ରହିଛି