ଜଗନ୍ନାଥ ପରିକ୍ରମା ପ୍ରକଳ୍ପ ଶୁଭାରମ୍ଭ

ନିରପେକ୍ଷ(ଭୋଗରାଇ) ୦୭/୦୧/୨୪ : ଆଜି ରବିବାର ଦିନ ଦଶ ଘଟିକା ସମୟରେ ଭୋଗରାଇ ବ୍ଲକ କାର୍ଯ୍ୟାଳୟ ପରିସରରେ ଶ୍ରୀ ଜଗନ୍ନାଥ ମନ୍ଦିର ପରିକ୍ରମା ପ୍ରକଳ୍ପ ରଥ ଉଘାଟିତ୍ ହୋଇ ଯାଇ ଅଛି ।

ସାତ ଭାଗରେ ବିଭକ୍ତ ହୋଇଥିବା ଏହି ରଥକୁ ଭୋଗରାଇ ବ୍ଲକ ର ଗୋଷ୍ଠୀ ଉନ୍ନୟନ ଅଧିକାରୀ ଉମାକାନ୍ତ ପରିଡା , ବ୍ଲକ ଅଧ୍ୟକ୍ଷ ପ୍ରବୀର ଗିରି ଓ ଉପାଧ୍ୟାକ୍ଷା ମୀନାରାଣୀ ଶାସମଲ ଶୁଭାରମ୍ଭ କରିଥିଲେ ।ଏହି ରଥ ସାତ ତାରିଖରୁ ବାହାରି 14ତାରିଖ ପର୍ଯ୍ୟନ୍ତ ବ୍ଲକ ଅଞ୍ଚଳର 50 ଗୋଟି ଗ୍ରାମ ପଞ୍ଚାୟତ ର ସମସ୍ତ ରାଜ୍ୱସ ଗ୍ରାମ ପରିଭ୍ରମଣ କରି ପ୍ରତି ଘରୁ ମୁଠେ ଅରୁଆ ଚାଉଳ ଓ ଗୁଆ ସଂଗ୍ରହ କରିବ ବୋଲି ଜଣା ପଡିଛି ।

ପରିକ୍ରମା ରଥ ଯେଉଁ ଗ୍ରାମରେ ରେ ପହଞ୍ଚିବ ସେହି ଠାରେ କୀର୍ତ୍ତନ ମଣ୍ଡଳି ଓ ଭକ୍ତ ମାନେ ସାମିଲ ହୋଇ ରଥକୁ ପାଛୋଟି ନେବେ । ଜଗନ୍ନାଥ ସଂସ୍କତିର ଉଦ୍ଦେଶ୍ୟ ଓ ସଦ୍ ଭାବନା ସୃଷ୍ଟି , ପାଇଁ ବୁଲୁଥିବା ପରିକ୍ରମା ରଥଟି ରୁ ସଂଗୃହିତ ହୋଇଥିବା ଚାଉଳ ଓ ଗୁଆ କୁ ପଞ୍ଚାୟତ ସ୍ତରରେ ଚିହ୍ନଟ ହୋଇଥିବା ଏକ ଦେବାଳୟ ପରିସରରେ ରଖାଯିବା ପରେ, ୧୭ ତାରିଖରେ ଉଦଘାଟିତ ହେବାକୁ ଥିବା ଜଗନ୍ନାଥ ମନ୍ଦିର ପରିକ୍ରମା ପ୍ରକଳ୍ପ ପୂର୍ବରୁ ପଞ୍ଚାୟତ ସ୍ତରରେ ସଂଗୃହିତ ଚାଉଳ ଓ ଗୁଆକୁ ବ୍ଲକ କୁ ଅଣାଯାଇ ବ୍ଲକ ସ୍ତରରେ ଠିକ୍ କରାଯାଇ ଥିବା ମନ୍ଦିର ରେ ରଖାଯିବ ବୋଲି ସୂଚନା ମିଳିଛି ।

୧୭ତାରିଖରେ ପୁରୀ ରେ ଉଦ୍ଘାଟିତ ହେବାକୁ ଥିବା ଜଗନ୍ନାଥ ମନ୍ଦିରର ପରିକ୍ରମା କୁ ଯେଉଁ ମାନେ ନ ଯାଇ ପାରିବେ ,ସେହି ଭକ୍ତ ମାନଂକ ଉଦ୍ଦେଶ୍ୟରେ ବ୍ଲକ କାର୍ଯ୍ୟାଳୟ ପରିସରରେ ଜଗନ୍ନାଥ ସଂସ୍କୃତି ସମ୍ଭଦୀୟ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ସହ, ଉଦ୍ଘାଟିତ ପ୍ରକଳ୍ପ ର ସମସ୍ତ ଧାରା ବିବରଣୀ ବ୍ଲକ ପରିସରରେ ଏ ଲ ସି ଡି, ଦ୍ବାରା ପ୍ରଦର୍ଶନ କରା ଯିବ, ଗବଗାଁ, ନାଚିନ୍ଦl , ଟୁକୁରି ହାଜିରା, ସୁଲତାନ ପୁର, ଦେହୁର୍ଦl ,ସୁନାଧାର ବସାନ ଗ୍ରାମ ପଞ୍ଚାୟତ ର ସମସ୍ତ ଗ୍ରାମ ପରିକ୍ରମା କରିଅଛି ।