ଯାତ୍ରୀ ବାହୀ ବସ ମୁହାଁମୁହିଁ ଧକ୍କା ଜଣେ ମୃତ ଦଶ ଆହତ

ନିରପେକ୍ଷ(ଗଞ୍ଜାମ/ଧରାକୋଟ) ୦୬/୦୧/୨୪ : ଗଞ୍ଜାମ ଜିଲ୍ଲା ଧରାକୋଟ ବ୍ଲକ୍ ତଥା ଧରାକୋଟ ଥାନା ଅର୍ନ୍ତଗତ ଢଉଗାଁ ଛକରେ ଶୁକ୍ରବାର ରାତି ପ୍ରାୟ ୧୧ଟାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଶୀତୁଆ ଓ ଅନ୍ଧକାର ରାତିରେ ଦୁଇଟି ଯାତ୍ରୀବାହୀ ବସ୍ ମୁହାଁମୁହିଁ ଧକ୍କା ହେବା ଫଳରେ ଜଣଙ୍କ ମୃତ୍ୟୁ ଘଟିଛି। ଆଉ ମୃତକ ହେଲେ ବାଳକୃଷ୍ଣ ଗୈଡ। କୁହୁଡ଼ି ଯୋଗୁଁ ଘଟିଥିବା ଦୁର୍ଘଟଣା ଏତେ ସାଂଘାତିକ ଥିଲା ଯେ ଦୁଇ ବସ୍ ମଧ୍ୟରେ ଚାପି ହୋଇ ଦିଲଖୁସ ନାମକ ବସଟିର ଚାଳକ ବାଳକୃଷ୍ଣଙ୍କର ଘଟଣାସ୍ଥଳରେ ପ୍ରାଣ ବାୟୁ ଉଡ଼ି ଯାଇଥିଲା ।

ଏଥିରେ ୧୦ରୁ ଅଧିକ ଯାତ୍ରୀ ଗୁରୁତର ହୋଇଛନ୍ତି। ସେମାନଙ୍କୁ ଆସିକା ଡାକ୍ତରଖାନାରେ ଭର୍ତ୍ତି କରାଯାଇଛି। ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ଆହତଙ୍କୁ ଉଦ୍ଧାର କରିଥିଲେ। ବ୍ରହ୍ମପୁରରୁ ଯାଉଥିବା ଦିଲଖୁସ୍ ବସ୍ ସହ ଧରାକୋଟ ପଟରୁ ଆସୁଥିବା ହ୍ବାଇଟ୍ ହର୍ସ ବସ୍ ସହ ଧକ୍କା ହୋଇଥିଲା