ପୁରୁଷୋତ୍ତମପୁର ପଞ୍ଚାୟତରେ ମାତୃପିତୃ ପୂଜନ କାର୍ଯ୍ୟକ୍ରମ

ବାଲେଶ୍ୱର (ନିରପେକ୍ଷ): ଇଂରାଜୀ ନବ ବର୍ଷ ପାଳନ ଅବସରରେ ବସ୍ତା ବ୍ଲକ୍ ପୁରୁଷୋତ୍ତମପୁର ପଞ୍ଚାୟତର ସମିତିସଭ୍ୟା ମିନତୀ ଦାସଙ୍କ ସରିଷା ସ୍ଥିତ ବାସଭବନରେ ମାତୃପିତୃ ପୂଜନ ସହ ଶୀତବସ୍ତ୍ର ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପ୍ରଧାନଶିକ୍ଷକ ତଥା ସମାଜସେବୀ କରୁଣାକର ଦାସଙ୍କ ଆବାହକତ୍ବରେ ପଞ୍ଚାୟତର ୨୫୦ରୁ ଉର୍ଦ୍ଧ୍ବ ବାପା ମାଆଙ୍କର ପଦସେବା ସହିତ ବନ୍ଦାପନା କରାଯାଇ ସ୍ନେହର ପ୍ରତୀକ ସ୍ବରୂପ ଗୋଲାପ ଫୁଲ ଦିଆଯାଇ ସେମାନଙ୍କୁ ସ୍ବାଗତ କରାଯାଇଥିଲା।

ଏହି ମାତୃପିତୃ ପୂଜନ କାର୍ଯ୍ୟକ୍ରମର ତାତ୍ପର୍ଯ୍ୟ ବର୍ଣ୍ଣନା କରିବା ଉଦ୍ଦେଶ୍ୟରେ ଏକ ସଭାର ଆୟୋଜନ ହୋଇଥିଲା। ଏଥିରେ ମୁଖ୍ୟଅତିଥି ଶିକ୍ଷାବିତ୍ ସୁଶାନ୍ତ କୁମାର ପରିଡ଼ା, ଅବସରପ୍ରାପ୍ତ ଅଧ୍ୟକ୍ଷ ପ୍ରସନ୍ନ କୁମାର ଜେନା, ପ୍ରାଧ୍ୟାପକ ଜଗନ୍ନାଥ ସାହୁ, ବରିଷ୍ଠ ସାମ୍ବାଦିକ ଅଶୋକ କୁମାର ମହାନ୍ତି, ଶିକ୍ଷକ କ୍ଷେତ୍ରମୋହନ ପ୍ରଧାନ, ଅବସରପ୍ରାପ୍ତ ଏବିଇଓ ରାଧାମୋହନ ପ୍ରଧାନ, ପ୍ରମୋଥ ଘୋଷମହାପାତ୍ର, ଅଧ୍ୟାପକ ଚିତ୍ତରଞ୍ଜନ ବିଶ୍ବାଳ ପ୍ରମୁଖ ମଞ୍ଚାସୀନ ରହି ବାପା ଓ ମାଆ ଆମ ପାଇଁ ଯେ କେତେ ମୂଲ୍ୟବାନ ଏବଂ ଆଜିର ସମାଜରେ ବାପା ଓ ମାଆଙ୍କୁ କେମିତି ଅବହେଳିତ କରାଯାଉଛି ସେଥିନେଇ ଦିଗଦର୍ଶନ ମୂଳକ ବକ୍ତବ୍ଯ ରଖିଥିଲେ। କାର୍ଯ୍ୟକ୍ରମ ଶେଷରେ ୯୦ଜଣରୁ ଉର୍ଦ୍ଧ୍ବ ବୃଦ୍ଧ ବୃଦ୍ଧାଙ୍କୁ ଶୀତବସ୍ତ୍ର ବଣ୍ଟନ କରାଯାଇଥିଲା। ଦିଲ୍ଲୀପ ମହାନ୍ତି, ଲୋକନାଥ ପାଳ, ଅନୀଲ ବେହେରା, ତାରାକାନ୍ତ ସେନାପତି, ସନାତନ ପ୍ରଧାନ, ବିଭୂତି କୁଣ୍ଡ, ବିଜୟ ମହାନ୍ତି, ଦେବଦତ୍ତ ଜେନା, ସସ୍ମିତା ପାତ୍ର, ପ୍ରଦୀପ ଜେନା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।