ବାକି ପଇସାକୁ କେନ୍ଦ୍ରକରି ଯୁବକଙ୍କୁ ମାଡ

ଯାଜପୁର (ନିରପେକ୍ଷ): ବାକି ପଇସାକୁ କେନ୍ଦ୍ରକରି ଯୁବକଙ୍କୁ ମାଡ | ଥାନାରେ ଏତଲା ପରେ ଥାନାରୁ ନ୍ୟାୟ ନ ପାଇ ଜିଲ୍ଲା ଆରକ୍ଷୀନିରିକ୍ଷକଙ୍କୁ ଭେଟିଲେ ଉକ୍ତ ଯୁବକଙ୍କ ସହ ଗ୍ରାମବାସୀ।

ଘଟାଣାରୁ ପ୍ରକାଶ ଯେ ଯାଜପୁର ସଦରଥାନା ଅନ୍ତର୍ଗତ ମତାବାଜ ଗ୍ରାମର ପ୍ରଫୁଲ ବେହାରଙ୍କ ପୁଅ ସମ୍ଭୁନାଥ ବେହେରା ଦୀର୍ଘ ବର୍ଷହେବ ଧାନକଟା ମେସିନି ଆଣି ବେପାର କରନ୍ତି | ପାଣିକୋଇଲି ଥାନା ନମଟିକିରି ଗ୍ରାମର ପୂର୍ଣ୍ଣ ଚନ୍ଦ୍ର କବିଙ୍କ ପୁଅ ଟୁଲୁ କବି ଆଜକୁ ଚାରିବର୍ଷ ହେବ ସମ୍ଭୁଙ୍କ ମେସିନିରେ ଧାନକାଟି ପଇସା ଦେଇ ନ ଥିଲେ ଏବଂ ବର୍ତ୍ତମାନ ଧାନ ଅମଳ ହେଉଥିବାରୁ ସମ୍ଭୁ ପ୍ରତ୍ୟେକ ବର୍ଷପରି ଏ ବର୍ଷ ମଧ୍ୟ ମେସିନିରେ ଧାନ କାଟୁଥିଲେ|

ସେହି ସମୟରେ ନମଟିକିରି ଗ୍ରାମର ଟୁଲୁ କବି ଯାଇ ସମ୍ଭୁଙ୍କୁ ଧାନ କାଟିବାକୁ କହିଥିଲେ | ସମ୍ଭୁ ବାକି ଥିବା ଟଙ୍କା ନ ଦେଲେ ଏଥର ଧାନ କଟିବିନି କହିବାରୁ ଟୁଲୁ ସମ୍ଭୁଙ୍କୁ ଅଶିଳ ଭାଷାରେ ଗାଲୁଜ କରି ତୁ ପାଣିକୋଇଲି ଆସେ ତତେ ଦେଖିନେବି ଧମକ ଦେଇଥିଲେ | ସମ୍ଭୁ ଓ ତାର ମେସିନି ଡ୍ରାଇଭର ପାଣିକୋଇଲି ତେଲ ନେବାକୁ ଆସିଥିବା ସମୟରେ ଟୁଲୁ କବି ସେମାନଙ୍କୁ ଅଟକାଇ ଗାଳିଗୁଲଜ କରିବା ସହ ମାଡ ମାରିଥିଲେ | ସମ୍ଭୁ ଏହାକୁ ନେଇ ପାଣିକୋଇଲି ଥାନାରେ ଅଭିଯୋଗ କରିଥିଲେ | ମଧ୍ୟ ଏଯାବତ ଥାନାରୁ ନ୍ୟାୟ ନ ପାଇ ଗ୍ରାମବାସୀଙ୍କ ସାହାଯ୍ୟରେ ପାଣିକୋଇଲି ସ୍ଥିତ ଏସପିଙ୍କୁ ଭେଟି ନ୍ୟାୟ ଭିକ୍ଷା କରିଥିବା ବେଳେ ଏସପି ମଧ୍ୟ ଖୁବ ଶିଘ୍ର ଘଟଣାର ତଦନ୍ତ କରି ଦୋଷି ବିରୁଧରେ କାର୍ଯନୁଷ୍ଠାନ ଗ୍ରହଣ କରିବେ ବୋଲି କହିଥିବା ଜଣାପଡିଛି|