ମଝି ଚିଲିକାରେ ଅଟକିଲା ଯାତ୍ରୀବାହି ଡଙ୍ଗା

ପୁରୀ (ନିରପେକ୍ଷ): ଚିଲିକା ମଝିରୁ ଶୁଭିଲା ଆର୍ତ୍ତ ଚିତ୍କାର । ଜୀବନ ବିକଳରେ ଚିତ୍କାର କରି ଉଠିଲେ ଯାତ୍ରୀ । ବଞ୍ଚାଅ ବଞ୍ଚାଅ ଶବ୍ଦରେ ପ୍ରକମ୍ପିତ ହେଲା ଗଗନ ପବନ । ନୀଳ ଜଳ ରାଶି ଭିତରେ ଅଟକି ଯାଇଥିଲା ଯାତ୍ରୀ ବାହୀ ଡଙ୍ଗା । ମନକୁ ଛୁଉଁଥିଲା ପାପ । କଣ ହେବ,କଣ ଘଟିବ ଭାବି ଯାତ୍ରୀ ମାନେ ଭୟଭୀତ ହୋଇ ପଡ଼ିଥିଲେ । ସମସ୍ତେ କେବଳ କାନ୍ଦି କାନ୍ଦି ମା କାଳିଜାଇଙ୍କୁ ଜୀବନ ବଞ୍ଚାଇବା ପାଇଁ ଆକୁଳ ପ୍ରାଥନା କରୁଥିଲେ । ମା ବଞ୍ଚେଇ ଦେ, ମା ରକ୍ଷା କର, ନହେଲେ ଏ ମଝି ଚିଲିକାରେ ତୋ ସନ୍ତାନ ବିପଦରେ ପଡିଛନ୍ତି ଜୀବନ ଚାଲିଯିବ କହି ସମସ୍ତେ ହାତ ଟେକି ଦେଇଥିଲେ ।

ପୁଣି ମଝି ଚିଲିକାରେ ଅଟକିଲା ଯାତ୍ରୀ ବାହି ଡଙ୍ଗା । ସମସ୍ତ ଯାତ୍ରୀ ଭୟଭୀତ ହୋଇ ପଡ଼ିଥିଲେ । କାରଣ ସାମାନ୍ୟ ଯନ୍ତ୍ରୀକ ତୃଟି ଲାଗି ଅଟକିଥିଲା ଯାତ୍ରୀ ବାହି ଡଙ୍ଗା। ମହିଁସା ନିକଟରେ ଡଙ୍ଗା ଅଟକି ରହିଥିବା ସୂଚନା ମିଳିବା ପରେ। ଚାରି ଆଡେ଼ ଏହି ଖବର ପ୍ରସାରିତ ହୋଇ ପଡ଼ିଲା । ଆଉ ଏହା ପରେ ସମସ୍ତେ କେବଳ ମା କାଳିଜାଇଙ୍କୁ ପାର୍ଥନା କରିବାକୁ ଲାଗିଲେ । ତେବେ ଡଙ୍ଗାରେ ୧୫ରୁ ଉର୍ଧ ଯାତ୍ରୀ ଏବଂ ୧୦ଗୋଟି ବାଇକ୍ ରହିଥିବା ସୂଚନା ମିଳିଛି ।