ଆଗରପଡ଼ା ପୋଲିସର ଦାଦାଗିରି

ଭଦ୍ରକ (ନିରପେକ୍ଷ): ଗତକାଲି ରାତ୍ରୀ ସମୟରେ ଆଗରପଡ଼ା ଥାନା ଅଧୀନ ତେଲନଟୀ ଗ୍ରାମର ଗୋପୀନାଥ ନାୟକ ନିଜର କାମ ସାରି ନିଜର କାର ଯୋଗେ ଭଦ୍ରକରୁ ରାମପୁର କେନାଲ ଦେଇ ବାଲିପୋଖରୀ ଯାଉଥିବା ସମୟରେ ଆଗରପଡ଼ା ପୋଲିସ୍ କାଣ୍ଡବା ପୋଲ ନିକଟରେ ତାଙ୍କ ଗାଡ଼ିକୁ ଅଟକାଇବା ସହ ଗାଡ଼ିରୁ ଓହ୍ଲାଇବାକୁ କହିଲେ ଏବଂ ଗାଡ଼ିର କାଗଜପତ୍ର ମାଗିଥିଲେ ଯୁବକ ଜଣକ ଗାଡ଼ିର ସମସ୍ତ କାଗଜପତ୍ର ଦେଖାଇବା ପରେ ୪ପୋଲିସ କର୍ମଚାରୀଙ୍କ ମଧ୍ୟରୁ ଜଣେ ପୋଲିସ କର୍ମଚାରୀ ତାଙ୍କ ମା’ ଙ୍କୁ ଆକ୍ଷେପ କରି ଖରାପ ଭାଷା ପ୍ରୟୋଗ କରିବା ସହ କେତେ ଟଙ୍କା ରଖିଛୁ ଦେ କହିଥିଲେ l

ଯୁବକ ଜଣକ ଫୋନ୍ ପେ ରେ ଟଙ୍କା ଅଛି ବୋଲି କହିଥିଲେ ଏହି ସମୟରେ ପୋଲିସ ନିଶାଶକ୍ତ ଅବସ୍ଥାରେ ଅସଭ୍ୟ ଭାଷାରେ ତାଙ୍କୁ ଗାଳି ଗୁଲଜ କରିବା ସହ ତାଙ୍କ ମୋବାଇଲ ଫୋନକୁ ପୋଲିସ୍ ଛଡ଼ାଇ ନେଇଥିବା ସେ ଅଭିଯୋଗ କରିଛନ୍ତି l କଥା କିଛିନାହିଁ ମାରୁଛନ୍ତି କାହିଁକି ପଚାରିବାରୁ ପୋଲିସ୍ ତାଙ୍କ ତଣ୍ଟୀକୁ ଚିପି ଧରିଥିଲା ଏତିକି ସମୟରେ ଯୁବକ ଜଣକ ଖସି ଯିବାକୁ ଚେଷ୍ଟା କରୁଥିବା ବେଳେ ଜଣେ ପୋଲିସ୍ କର୍ମଚାରୀ ତାଙ୍କ ପଛ ପଟୁ ଗୋଇଠା ମାରିଥିଲେ ଫଳରେ ଯୁବକ ଜଣକ ତଳେ ପଡ଼ି ଯାଇଥିଲେ ଆଉ ପୋଲିସ୍ କର୍ମଚାରୀ ମାନେ ଭ୍ୟାନରୁ ବାଡ଼ି ଖୋଲି ତାଙ୍କୁ ନିର୍ଧୁମ୍ ମାଡ଼ ମାରିଥିବା ସେ କହିଛନ୍ତି l ଏବେ ଯୁବକ ଜଣକ ଆଗରପଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଥିବା ବେଳେ ଯୁବକଙ୍କ ସ୍ତ୍ରୀ ଥାନାରେ ଲିଖିତ ଅଭିଯୋଗ କରିବା ସହ ନ୍ୟାୟ ଭିକ୍ଷା କରିଛନ୍ତି l